И покрај опаѓањето на пушењето тутун, младите Европјани се поттикнати сè повеќе да користат електронски цигари и нови ароматизирани производи со никотин, предупреди Одделот на Светската здравствена организација за Европскиот регион, пренесе Јуроњуз.
Според новиот извештај, 53 земји во Европа и Централна Азија до 2030 година ќе останат дел од светот со најголема потрошувачка на тутун.
Употребата на тутун веќе предизвикува повеќе од 1,1 милиони смртни случаи од незаразни болести секоја година во европскиот регион, и без забрзана акција во 2030 година ќе бидеме регион во светот со најлош резултат – рече директорот на СЗО за Европа, Ханс Клуге.
Во 2024 година, околу 173 милиони луѓе во европскиот регион на СЗО биле корисници на тутун.
За СЗО најитен предизвик е сузбивањето на порастот на користењето електронски цигари бидејќи ги користат 14,3 отсто од децата на возраст од 13 до 15 години, при што стапката е речиси идентична кај момчињата и девојчињата.
Меѓу возрасните, Европа со околу 31,4 милиони корисници е втора во светот по употреба на електронски цигари, веднаш зад Северна и Јужна Америка.
Слични новости
САД уфли трета транша од нафтените резерви во обид дополнително да ги намали цените на нафтата
Министерството за енергетика на Соединетите Американски Држави објави дека позајмило 26,03 милиони барели сурова нафта од Стратешките резерви на нафта (SPR) на девет нафтени компании.
Нафтата повторно тече: Ирак испраќа десетици милиони барели по деблокадата на Ормутскиот теснец
Одлуката на Техеран целосно да ги укине ограничувањата за пловидба овозможува отпремување на 20 танкери со нафта, чиј вкупен капацитет достигнува 23 милиони барели сирова нафта произведени во Басра.
Цените на нафтата паднаа за нови 10 насто
Цената на нафтата Брент се движи под 90 долари за барел, а американската сирова нафта падна на 84 долари за барел, пренесе Трејдинг економикс. Ова е најниско ниво на цената на нафтата во последните 5 недели.