По вториот ден од трилатералните разговори меѓу Украина и Русија, со посредство на САД во Женева, нема конкретен напредок, иако преговарачите на двете страни изнесоа умерен оптимизам.
Претседателот на Украина Володимир Зеленски во меѓувреме изјави дека украинските сили се подготвени да го почитуваат прекинот на огнот доколку постои политичка волја за негово спроведување и посочи дека мониторингот би ги вклучил и САД.
Во фокус на разговорите биле територијалните аранжмани, енергетската безбедност и идниот статус на нуклеарната централа Запорожје, но главните несогласувања се околу територијата.
Територијалните прашања и понатаму се централната пречка. Киев смета дека замрзнување на сегашната линија на фронтот е најреалната основа за почетен прекин на огнот.
Москва, пак, инсистира украинските сили целосно да се повлечат од Донбас како предуслов за каков било договор и позиција што за Украина е неприфатлива како стартна точка.
Слични новости
Иранската војска повторно ја врати контролата врз Ормутскиот теснец
Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Иран делумно го отвори воздушниот простор
Иран денеска делумно го отвори својот воздушен простор за меѓународни летови кои минуваат низ источниот дел од територијата на земјата. Техеран официјално соопшти дека „воздушните рути во источниот дел на земјата се отворени за летови кои транзитираат низ Иран“.
САД одобрија продажба на оружје во вредност од 10 милијарди долари за Германија
Одобрението, како што наведува Вашингтон е дел од зајакнувањето на капацитетите на НАТО сојузниците, пренесе германскиот весник „Шпигл“.