Владата на денешната седница се очекува да донесе одлука да се проверува секоја фирма за одгледување на марихуана за медицински цели, откако ова го најави премиерот Христијан Мицкоски.
Таквата одлука следи по заплената на 40 тони марихуана во Скопје и струмичкиот регион, а премиерот уште еднаш повтори дека очекува заплената да достигне и до 100 тони.
Мицкоски како проблем го посочи донесувањето на правилникот, односно подзаконскиот акт од страна на претходната влада на СДСМ и ДУИ за да се одгледува цвет од марихуана кој не ги задоволува потребните норми.
„Биле свесни дека тоа ќе се случи и ако не ги задоволува тие норми, логично е дека со негово користење или во процесот на екстракција, маслото кое што се произведува не може да биде лиценцирано и да се најде во продажба, односно да биде пуштено во промет. Тоа им било многу јасно на тие што го носеле тој правилник“.
„Вистинското прашање е кој бил мотивот да се донесе таков правилник ако вие знаете дека не може да го постигнете квалитетот за да произведете масло кое што ќе се продава на пазарот и кое што ќе ги исполнува нормите“, рече Христијан Мицкоски.
Слични новости
ВМРО ДПМНЕ : Времето на еднострани отстапки заврши, потребен е реципроцитет во односите со Бугарија
„Потребен е дијалог, а Бугарија да ги исполни своите обврски, вклучително и почитувањето на пресудите од Европскиот суд за човекови права“, соопшти ВМРО ДПМНЕ.
СДСМ: Апсењето на Богоев е дефокус на власта по пораките на Кошта за Македонија
На денот кога претседателот на Европскиот совет, Антонио Кошта пристигна во Македонија, кој го потврди она што го говори СДСМ и порача дека без внесување на малцинствата во Уставот нема поместување од мртва точка, токму тогаш предмет за Стефан Богоев, обвини СДСМ.
Гувернерот на НБ Славески бара закаонски измени за ограничување на банкарските надоместоци
Гувернерот на Народната банка на Македонија Трајко Славески побара законски измени со кои на Народната банка би и се овозможиле механизми за поголема заштита на корисниците на платните услуги и за ограничување на одредени банкарски надоместоци, според примерот на повеќе европски земји.