На њујоршки Волстрит, цените на акциите паднаа во понеделникот, главно во технолошкиот сектор, бидејќи индексот S&P 500 се лизна од рекордно високото ниво.
Индексот Dow Jones падна за 0,51 отсто на 48.461 поени, додека S&P 500 се намали за 0,35 отсто на 6.905 поени, а Nasdaq индексот за 0,50 отсто на 23.474 поени.
Минатата седмица S&P 500 достигна рекордно високо ниво, главно благодарение на зголемувањето на цените на акциите кај голем број технолошки гиганти. Сепак, оваа седмица започна со пад на цените на тие акции, а падна и S&P 500.
Цената на „Tesla“ вчера се лизна за повеќе од 3 отсто, на „Nvidia“ за повеќе од 1 отсто, а повеќето други технолошки акции, исто така, беа под притисок.
Од почетокот на годината, S&P 500 индексот порасна за околу 17 отсто, благодарение на намалувањето на каматните стапки од страна на американската централна банка и уште поголемата еуфорија во врска со развојот на вештачката интелигенција.
Така, владеењето на „биковите“ на пазарот, кое започна во октомври 2022 година, продолжи и оваа година.
Питер Опенхајмер, стратег во банката „Goldman Sachs“, очекува пазарот да расте и следната година.
„Со оглед на тоа што се очекува глобалната економија да расте и американската централна банка дополнително да ги намали каматните стапки, би било многу невообичаено цените на акциите значително да паднат или пазарот да биде доминиран од „мечки“, ако нема рецесија“, пишува Опенхајмер во својот преглед на состојбата на пазарот.
А на европските берзи вчера се тргуваше претпазливо. Лондонскиот индекс FTSE падна за 0,04 отсто на 9.866 поени, додека франкфуртскиот DAX доби на вредноста 0,05 отсто на 24.351 поен, а парискиот CAC 40 порасна за 0,10 отсто на 8.112 поени.
Слични новости
Пад на цената на златото
Племенитите метали сеуште држат висока цена првенствено поради одржливата побарувачка за сигурни финансиски засолништа, кои се поттикнати од незивеноста што ја предизвика актуелната војна во Иран, пренесува Трејдинг економикс.
Годишната стапка на инфлација во Бугарија во февруари намали на 3,3 насто
Годишната стапка на инфлација во Бугарија падна на 3,3 насто во февруари, во однос на 3,5 насто колку што изнесуваше во јануари. Ова е најниско ниво на инфлација во Бугарија од декември 2024 и одговара на прелиминарните проценки, пренесе Трејдинг економикс.
Европските акции во плус и покрај расто на цената на нафтата која е повисока од 100 долари за барел
Европските берзански индекси се во пораст и покрај високата цена на нафтата Брент која изнесува 102 долари за барел, додека берзите ја чекаат одлуката на Федералните резерви на САД за каматните стапки.