Ќе бидеме без Александер Исак долго време, неколку месеци, изјави тренерот на Ливерпул, Арне Слот, кога англиските новинари го прашаа за сериозноста на повредата на шведскиот напаѓач.
Во саботата, Исак се здоби со сериозна повреда на натпреварот од лигата меѓу Тотенхем и Ливерпул. Во жесток старт, играчот на Тотенхем, Ван де Вен, кој не заработи ниту жолт картон за тоа, му ја скрши потколеницата на Исак. Напаѓачот на Ливерпул многу брзо беше опериран оваа седмица и ќе биде надвор од фудбалот долго време.
„Ова е голем удар за самиот Исак, но и за сите нас во Ливерпул. Стартот на Ван де Вен беше исклучително опасен. Ако таков старт се случеше на теренот десет пати, исклучително сериозна повреда е загарантирана во сите десет пати“, рече тренерот на Ливерпул.
Првично, клубот од „Енфилд’ стравуваше дека предниот вкрстен лигамент можеби е оштетен, но за среќа на Швеѓанецот, беше избегната уште посериозна повреда.
Пред почетокот на тековната сезона, Исак се приклучи на Ливерпул од Њукасл во трансфер вреден 150 милиони евра.
Слични новости
Уапсен претседателот на Фенербахче
Претседателот на турскиот фудбалски великан Фенербахче, Садетин Саран, е приведен во Истанбул како дел од проширената истрага за дрога во која се вклучени истакнати личности од светот на забавата и медиумите
Годинава во Англија ќе има само еден натпревар на Боксинг деј
Денот после Божик, таканареќениот Боксинг деј, отсекогаш бил резервиран за многубројни натпревари од англиската Премиер лига, но годинава нема да биде така и ќе се одигра само еден натпревар Манчестер јунајтед-Њукасл.
Лука Дончиќ се опорави од повредата и ќе игра против Хјустон
Суперѕвездата на ЛА Лејкерс Лука Дончиќ се опорави од повредата и ќе игра на мечот против Хјустон Рокетс, кој е закажан за 26 декември пренесе американската телевизија ЕСПН.