Играчите на Манчестер Сити ќе бидат ставени на вага по празниците, а оние за кои ќе се утврди дека имаат прекумерна тежина ќе бидат исклучени од составот, предупреди тренерот Пеп Гвардиола во понеделникот.
„Кога ќе се вратат на 25-ти декември, ќе проверам дали се здебелиле. Сакам да видам како се по трите дена празници. Можат да јадат, но сакам да ги следам“, рече Гвардиола, кој ги мереше своите играчи пред мини-паузата.
„Секој играч кој ќе се врати три килограма потежок ќе остане во Манчестер и нема да патува во Нотингем на 27-ми декември“, додаде Шпанецот.
Гвардиола, сепак, ги замоли своите играчи да ги искористат овие неколку дена за да „уживаат во своите семејства и да заборават на фудбалот“ и да „ги наполнат батериите“.
Манчестер Сити, кој убедливо го победи Вест Хем (3:0) во саботата, е втор во Премиер лигата по 17 кола, два бода зад лидерот Арсенал.
Слични новости
Уапсен претседателот на Фенербахче
Претседателот на турскиот фудбалски великан Фенербахче, Садетин Саран, е приведен во Истанбул како дел од проширената истрага за дрога во која се вклучени истакнати личности од светот на забавата и медиумите
Годинава во Англија ќе има само еден натпревар на Боксинг деј
Денот после Божик, таканареќениот Боксинг деј, отсекогаш бил резервиран за многубројни натпревари од англиската Премиер лига, но годинава нема да биде така и ќе се одигра само еден натпревар Манчестер јунајтед-Њукасл.
Лука Дончиќ се опорави од повредата и ќе игра против Хјустон
Суперѕвездата на ЛА Лејкерс Лука Дончиќ се опорави од повредата и ќе игра на мечот против Хјустон Рокетс, кој е закажан за 26 декември пренесе американската телевизија ЕСПН.