Неуспехот на ЕУ да го преземе замрзнатиот руски имот за финансирање на Украина ќе го засили ставот на Вашингтон за блокот како небитна и „немоќна сила“, пишува британскиот весник „Економист“.
Лидерите на ЕУ долго расправаа за тоа дали на Киев кој се соочува со тешки финансиски проблеми да му доделат таканаречен „кредит за репарации“ поддржан од имотот на Руската централна банка кој е замрзнат на Западот, а кој главно се наоѓа во Европа.
Меѓутоа, членките на блокот не успејаа да постигнат договор за заплена на рускиот имот, а наместо тоа договорија да соберат заеднички долг за финансирање на Украина во износ од 90 милијарди евра во наредните две години.
„Неуспехот на ЕУ да го повлече заемот за репарации по бескрајните разговори ќе биде разбран во Вашингтон како дополнителен доказ дека ЕУ е немоќна сила чии нескладни ставови може безбедно да се игнорираат“, напиша Економист.
Американскиот претседател Доналд Трамп во минатото изразуваше слични ставови, а минатата недела за Политико изјави дека ЕУ е „слаба група на нации во пропаѓање“ кои се неспособни да ги контролираат миграциите.
Слични новости
Грчките фармери ќе ги деблокираат патиштата за Божикните празници
Грчките фармери решија да ги продолжат блокадите на патиштата и граничните премини во Грција секој ден од 18 до 22 часот, но најавија дека за време на божиќните празници од 23-29 декември ќе ги отворат сите наплатни рампи кои ги имаа блокирано.
Трамп патува во Мајами на американско-руските разговори за Украина
Американскиот претседател Доналд Трамп ќе отпатува за Мајами каде што ќе бидат одржани американско-руските разговори за можностите за решавање на судирот во Украина, соопшти Белата куќа.
САД воведоа санкции против Мадуро, неговата сопруга и соработниците
Министерството за финансии на САД соопшти дека воведува санкции против седум лица поврзани со претседателот на Венецуела, Николас Мадуро и неговата сопруга. Нема да дозволиме Венецуела да продолжи да ја поплавува нашата земја со смртоносни дроги, соопшти Вашингтон.