Фудбалските менаџери во глобални рамки во 2025 година заработиле рекорден износ во споредба со претходните години, соопшти ФИФА.
Според податоците на Меѓународната фудбалска федерација (ФИФА), во периодот од 1 јануари до 1 декември 2025, менаџерите вклучени во трансфери во машкиот фудбал заработиле 1,37 милијарди долари. Ова е далеку над претходниот рекорд од 889,4 милиони долари поставен во 2023 година.
Најмногу пари менаџерите заработиле од англиските клубови кои платиле 375 милиони долари на менаџери на фудбалерите, додека клубовите во Германија се на второ место со 165 милиони долари.
Фудбалските менаџери во 2025 оствариле рекордна заработка и во женскиот фудбал, во вкупен износ од 6,2 милиони долари. Ова е двојно повеќе од 2024 година и 13 пати повеќе од 2020 година, објави ФИФА.
Според податоците на ФИФА, заклучно со 4 декември оваа година, имало 10.525 лиценцирани фудбалски менаџери во целиот свет.
Слични новости
Коубек нов чешки селектор
Чешката фудбалска асоцијација во петокот објави дека Мирослав Коубек е назначен за селектор на Чешка, која ќе игра во квалификациите за Светското првенство 2026 во март
Мареска ги негира информациите за можен трансфер во Манчестер Сити
Главниот тренер на Челзи, Енцо Мареска, ги негираше медиумските извештаи дека се разгледува како можен наследник на Пеп Гвардиола во Манчестер Сити, велејќи дека информациите се чиста шпекулација
Пеп Гвардиола најавува заминување од Манчестер сити, можен наследник Енцо Мареска
Во Британија се повеќе се пишува дека пеп Гвардиола е заситен од тренерската позиција во Манчестер сити и дека ќе го напушти „Етихад“ на крајот од сезоната иако има договор да остане во клубот уште 18 месеци.