Челниците на земјите-членки на Европската унија ја започнаа во четврток вечерта дискусијата за финансирање на Украина врз основа на нов предлог што би им дал на Белгија и на другите земји-членки кои се скептични во врска со користењето на руските запленети средства „неограничени гаранции“ во случај Русија да ги добие правните битки за незаконското манипулирање со нејзините средства.
Челниците на земјите-членки на ЕУ, кои се собраа на самитот во Брисел во текот на четвртокот, разговараа за сите теми на дневен ред, а најчувствителното прашање го оставија за крај – како да се обезбеди финансирање за Украина во следните две години.
Најверојатната опција за финансирање на Украина е таканаречениот „репарациски бескаматен заем“ со користење на замрзнати руски средства. Сепак, најголем отпор на овој предлог дава Белгија, земјата каде што се наоѓа најголемиот дел, 185 милијарди евра од вкупно 210 милијарди коишто се запленети во ЕУ.
Белгија бара целосна солидарност од другите членки и бара неограничена гаранција за сите можни ризици во случај Русија да успее да ги добие споривите на арбитражните судиви во земјата и во странство.
Сега на Белгија ѝ се понудени „неограничени“ гаранции според најновиот предлог, но ова би можело да биде проблем за некои влади на земјите-членки, кои можеби ќе треба да побараат поддршка во своите парламенти за такво решение.
Слични новости
Рубио: Не можеме да ги принудиме ниту Киев ниту Москва на договор
Американскиот државен секретар Марко Рубио изјави во петокот дека Соединетите државо во мировните преговори за Украина никому не наметнуваат договор, како и дека и Киев и Москва мора да сакаат да го постигнат, и предупреди дека нема да има мир во Газа додека Хамас не биде разоружан
Украина започнува нова рунда разговори со САД
Украинските мировни преговарачи во петокот започнуваат нова рунда разговори со американскиот тим за предлози за прекин на војната со Русија, изјави шефот на делегацијата од Киев, Рустем Умеров
Тројца убиени во напад во метрото во Тајпеј
Најмалку три лица се убиени, а пет се повредени во напад со нож во метрото во Тајпеј во петокот, изјави портпаролот на противпожарната служба