Швајцарската влада во понеделникот благо ја зголеми проценката за економскиот раст во 2026 година, тврдејќи дека договорот со САД за пониски царини треба да го олесни влијанието на трговските бариери врз извозот.
Економската активност ќе се зголеми во 2026 година за 1,1 отсто, според најновите проценки на владините економски експерти. Во октомври, тие предвидоа дека ќе порасне за 0,9 отсто.
„Намалувањето на американските царини за увоз на швајцарски стоки ги подобри перспективите и сигурноста во планирањето за секторите и компаниите чие производство е директно предмет на даноците“, рекоа владини експерти.
Во ноември, Берн постигна прелиминарен договор со Вашингтон кој предвидува намалување на американските царини за увоз на швајцарска стока од 39 на 15 отсто.
Сепак, новата проценка сигнализира мало забавување во споредба со крајот на годината, кога активноста требаше да се зголеми за 1,4 отсто. Во првата прогноза за 2027 година, владините експерти очекуваат растот да се забрза на 1,7 отсто.
Сите проценки го исклучуваат влијанието на спортските настани и се базираат на претпоставката дека меѓународните царини ќе останат на сегашните нивоа.
Неизвесноста останува висока, предупредува владата. „Глобалната неизвесност во трговијата и економската политика останува висока, а швајцарскиот франк е сè уште силен“, објаснуваат тие.
Надворешната трговија треба да обезбеди умерен поттик за економската активност следната година, а владата сега очекува извозот на стоки да ги надмине прогнозите од октомври во наредните квартали.
Сепак, главниот двигател на растот сè уште ќе биде домашната побарувачка.
Инфлацијата во Швајцарија ќе остане ниска во 2025 и 2026 година, на само 0,2 отсто, и ќе се забрза малку во 2027 година, на 0,5 отсто, покажуваат новите пресметки.
Стапката на невработеност ќе се зголеми на 3,1 отсто во 2026 година, од 2,8 отсто оваа година. Треба повторно да падне во 2027 година, на 2,9 отсто.
Проценките на владата се во согласност со прогнозите од Институтот KOF при ETH Zurich, кој исто така во понеделникот прогнозираше дека активноста ќе се зголеми за 1,1 отсто следната година и за 1,7 отсто во 2027 година.
Растот на активноста би можел да биде попречен од одложувањата во планираното зголемување на буџетските трошоци во Германија и забавувањето на американската економија поврзано со попесимистичките очекувања на потрошувачите и слабиот пазар на трудот, соопшти KOF.
Тие, исто така, ги издвоија американските царини како ризици, предупредувајќи дека договорот за нивно намалување не е правно обврзувачки.
Слични новости
Шпекулациите за договор за Украина ги спуштија цените на нафтата на 59 долари
Цените на нафтата паднаа на 59 долари на меѓународните пазари во вторникот, поради знаците за забавување на потрошувачката во Кина и проценките за подобрени изгледи за постигнува мировен договор во Украина, што би можело да го отвори патот за укинување на санкциите врз руската нафта
Унгарија потпиша договор за снабдување со LNG од американски „Chevron“
Унгарија во вторникот објави дека потпишала петгодишен договор за снабдување со течен природен гас (LNG) со американската енергетска компанија „Chevron“
„Ford“ отпишува 19,5 милијарди долари во делот со електрични возила
Американскиот автомобилски гигант „Ford“ објави дека ќе отпише околу 19,5 милијарди долари од своето непрофитабилно работење со електрични возила, што сигнализира поместување на фокусот на производството кон хибридни модели, особено во сегментот на пикапи