Фудбалерите на Реал Мадрид го победија Алавес со 2:1 на гостувањето во Виторија во последниот неделен натправар од 16-то коло на шпанското првенство и со тоа ја намалија бодовната разлика зад лидерот Барселона на четири бода.
Екипата на Чаби Алонсо, кому силно му е загрозена позицијата поради незадоволителните резултати последниот период, поведе во 24. минута со голот на Килијан Мбапе. Алавес израмни во 70. минута со голот на Карлос Висенте, а голот на Родриго во 76. минута му донесе победа на „Кралскиот клуб“. Тоа беше 12-та победа на Реал, која го донесе мадридскиот тим на 39 бода. Барселона е на врвот на табелата со 43 бода. Алавес е на 12-та позиција со 18 бода.
Натпреварот помеѓу Леванте и Виљареал, кој требаше да се игра во недела, беше одложен поради невремето. Во последниот дуел од колото Рајо Ваљекано ќе биде домаќин на Бетис во понеделник (21 часот).
Претходно во неделата Селта Виго ја оствари својата петта победа во лигата, победувајќи го Атлетик Билбао со 2:0. Шведскиот напаѓач Вилиот Сведберг го постигна првиот гол за Селта во 48., додека Џонс Ел Абделауи го постигна вториот гол во 55. минута. Баскискиот тим можеше да го намали заостанувањето во 65. минута, но домашниот голман Јонут Раду одбрани пенал од Нико Вилијамс.
Со оваа победа Селта дојде до 22 бода, само бод зад седмопласираниот Атлетик, кој има натпревар помалку.
Севиља ја прекина серијата од три првенствени натпревара без победа, убедливо победувајќи го Овиедо со 4:0 во неделата пред своите домашни навивачи. Акор Адамс (4), Џибрил Соу (22), Батиста Менди (51) и Чидера Еџуке (89) беа стрелци за андалузискиот тим, кој со шестата победа стигна до 20 бода и привремено скокна на осмото место. Овиедо е на претпоследното 19-то место, со само десет бода.
Слични новости
Трилер со осум гола на „Олд Трафорд“
Манчестер Јунајтед и Борнмут одиграа еден од најдобрите натпревари во досегашниот тек од сезоната во Премиер лигата, а по серија пресврти натпреварот заврши вез победник 4:4
Бекот на Њукасл Јунајтед скрши ребро и го проби белодробното крило
Дефанзивецот на Њукасл Јунајтед, 33-годишниот Ден Берн, ќе биде надвор од терените извесно време откако скрши ребро и го проби белодробното крило во неделниот пораз од Сандерленд (0:1)
Тотенхем размислува за промена на тренерската клупа, се споменува Чави Ернандез
Раководството на Тотенхем е незадоволно од резултатите и играта и размислува за промена на тренерската клупа, објавија британските медиуми