На Холандија ѝ се потребни најмалку 150 милијарди евра инвестиции во следните десет години за да ја подобри продуктивноста, заедно со олабавени регулативи за имиграција на висококвалификувани странски работници и подобрено снабдување со електрична енергија, препорача поранешниот шеф на технолошкиот гигант ASML во извештај.
Холандската економија треба да порасне за 0,5 отсто, а повисоки стапки на раст од најмалку 1,5 до 2,0 отсто бараат 151 милијарди до 187 милијарди евра инвестиции во подобрена продуктивност, изјави во извештајот Питер Венинк, поранешен директор на производителот на машини за чипови ASML.
Извештајот е нарачан од холандското Министерство за економија.
Според Веник, највисокиот износ треба да биде насочен кон дигитализација и вештачка интелигенција, од 49,3 милијарди евра, по што следат биотехнологијата и биолошките науки, со потребни инвестиции од речиси 38 милијарди.
Меѓу главните сектори, Венинк ги издвои енергетската и климатската технологија, со неопходна инвестиција од 26,3 милијарди долари, и „безбедноста и отпорноста“ со околу три милијарди евра и „акцент на ниши“ како што се екосистемите на беспилотни летала, сателитските капацитети и автономните поморски системи.
Поранешниот шеф на ASML го гледа проблемот првенствено во „бавниот и неизвесен процес на лиценцирање“ и во „преоптоварените“ електрични мрежи и високите цени на енергијата.
Според него, недостигот од работна сила со високо ниво на образование во природните науки и тешкотијата за вработување странски работници се исто така пречки.
Големите холандски компании, вклучувајќи ги „Shell“ и „Unilever“, последните години се преселија во странство, наведувајќи ја неповолната деловна клима како причина.
Сепак, на ASML не му е дозволено да ги продава технолошки најнапредните машини на Кина поради ограничувањата од страна на владите во Хаг и Вашингтон.
Венинк, тогаш сè уште на чело на ASML, го спомена влошувањето на деловната клима во Холандија на почетокот на минатата година, на состанок во Хаг.
„Некои од елементите што нè правеа одлична компанија се под притисок денес“, рече Венинк, посочувајќи на построгата регулатива и планираното укинување на даночните олеснувања за висококвалификуваните имигранти.
Компанијата, исто така, се пожали на владата во заминување дека не инвестирала соодветно во подобрувања на инфраструктурата во технолошкиот центар во Ајндховен каде што е седиштето, вклучувајќи автопати, домување и електрична мрежа.
Венинк сега ѝ предлага на владата, меѓу другото, на земјоделците да им се надомести да ги продадат своите фарми и со тоа да го отворат патот за градежништво, што е во интерес на ASML, потсетува Reuters.
Според неговите идеи, компаниите треба да имаат поголема слобода при отпуштање работници, а надоместоците за невработеност треба да се исплаќаат само за една година, наместо за две.
Слични новости
Обилната понуда ги задржа цените на нафтата под 61 долар
Цените на нафтата останаа под 61 долар на меѓународните пазари во понеделникот, а аналитичарите предвидуваат дека Кина очекува значително повеќе барели од Венецуела до крајот на годината, со тешкотии во транспортот, но и изобилство на понудата од санкционираните Русија и Иран
Норвешкиот извоз значително падна во ноември
Норвешкиот извоз зебележа значитечно намалување во ноември, со остар пад на вредноста на испораките на нафта и гас, покажаа податоците кои во понеделникот ги објави тамошното биро за статистика
Русија бара 230 милијарди долари отштета од „Euroclear“
Руската централна банка поднесе тужба во Москва барајќи 230 милијарди долари отштета од белгиската клириншка куќа „Euroclear“, првиот чекор откако Кремљ предупреди дека тоа ќе биде правен кошмар за Европската унија поради плановите за користење на замрзнатите руски средства за поддршка на Украина