Рускиот претседател Владимир Путин излегува како ефикасен победник од судирот во Украина, оценува колумнистот на „Форин Полиси“ Мајкл Хирш. Како клучни аргументи за таквата оценка тој го наведува напредувањето на руската војска, како и се позиразениот раскол кај западните земји.
Хирш потсетува дека западните стратези во текот на претходните години однапред ја отпишаа Русија како губитник, припишувајќи ги за себе заслугите за ширењето на НАТО и долготрајната воена и финансиска поддршка на Украина.
Меѓутоа, како што истакнува, исходот на теренот и политичката динамика кај западниот блок укажуваат на спротивен тренд. Путин успеа во многу поширока цел, а тоа е да го ослаби западот, односно земјите на НАТО, а токму тоа беше неговата примарна стратегиска цел, нагласува Хирш.
Според неговата анализа расколот кај западните земји стана особено видлив во последните недели, кога дипломатските напори предводени од американскиот претседател Доналд Трамп, наместо единствен пристап, доведоа до какафонија на хаотични обвинувања меѓу САД и западните сојузници.
Авторот укажува и на дополнително продлабочување на јазот по јавните истапи на Трамп во кои ја оцени Западна Европа како слаба и во распаѓање, со отворени пораки дека Украина во рамките на решението на судирот ќе мора да и го отстапи Донбас на Русија.
Слични новости
Европски лидери: Мировници предводени од Европа да бидат вклучени во гаранциите за Украина
Одлуките за потенцијални украински територијални отстапки можат да ги донесат само народот на Украина и само откако ќе бидат воспоставени силни безбедносни гаранции, кои треба да вклучуваат мултинационални сили предводени од Европа, изјавија европските лидери во заедничка изјава по состанокот во Берлин во понеделник.
ЕУ воведува дополнителни санкции поради хибридните активности на Русија
Европските министри за надворешни работи во понеделник усвоија нови санкции против дванаесет физички и две правни лица поради хибридните активности на Русија.
САД бараат од Украина повлекување од Доњецк доколку сака мир
Американските мировни преговарачи ѝ кажаа на Украина на разговорите во Берлин дека мора да се согласи да ги повлече своите сили од источен Донецк како дел од каков било договор за ставање крај на речиси четиригодишната војна, изјави функционер запознаен со ова прашање.