Шефицата за надворешна политика на Европската унија, Каја Калас, изјави во саботата дека САД остануваат најголем сојузник на Европа, откако администрацијата на Трамп во голем стратешки документ изјави дека Европа се соочува со „цивилизациско бришење“ и дека еден ден би можела да го изгуби статусот на сигурен сојузник.
Новата Национална безбедносна стратегија на САД, објавена на веб-страницата на Белата куќа доцна во петокот, ја критикуваше Европската унија како антидемократска, а Европа како континент на кој му недостасува самодоверба.
Целта на САД треба да биде да „ѝ помогне на Европа да ја поправи својата сегашна траекторија“, се вели во документот.
„Има многу критики, но мислам дека дел од нив се точни, ако ја погледнете Европа, таа ја потцени сопствената моќ во однос на Русија“, изјави Калас на панел на Форумот во Доха во Катар.
„Треба да бидеме посигурни“, рече таа, додавајќи дека „САД остануваат наш најголем сојузник“.
„Мислам дека не секогаш сме се согласувале за некои теми, но мислам дека општиот принцип е сè уште таму. Ние сме најголемите сојузници и треба да се држиме заедно“, заклучи Калас.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков