Специјалниот пратеник на претседателот на САД, Доналд Трамп, Стив Виткоф одржа продуктивни разговори со високиот преговарач од Украина, Рустем Умеров, во Мајами, Флорида, соопшти претставник на Белата куќа.
Официјалните лица планираат повторно да се сретнат подоцна денеска.
„Вчерашната средба меѓу американските и украинските претставници во Мајами беше продуктивна и постигнат е напредок. Тие повторно ќе се сретнат подоцна денеска, откако ќе ги информираат своите лидери“, изјави претставник на Белата куќа.
Подетални информации веднаш не беа дадени.
Виткоф и зетот на претседателот, Џаред Кушнер, се сретнаа со нивните украински колеги за да ги информираат за средбата со рускиот претседател Владимир Путин во Москва, претходно оваа недела. Средбите, кои се одржуваат на непозната локација во Мајами, не биле формални преговори насочени кон мировниот план поддржан од САД, додаде изворот. Украинските и американските претставници се согласија на преговорите пред средбата со Путин.
Јуриј Ушаков, главниот советник за надворешна политика на Кремљ, вчера изјави дека Путин и Виткоф постигнале ниво на разбирање што ги направило нивните дискусии „вистински пријателски“.
Путин имаше петчасовна средба со Виткоф и Кушнер во Кремљ, фокусирајќи се на планот поддржан од САД за решавање на војната во Украина. Рускиот претседател подоцна ги опиша разговорите како „многу корисни“.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков