Суфицитот на Европската унија во трговската размена со Соединетите држави значително се намали во третиот квартал, при што европскиот завод за статистика забележа дека на почетокот од годинава го достигнал највисокото ниво откако се објавуваат ваквите податоци.
Во периодот јули-септември, трговскиот суфицит на ЕУ во стоковата размена со САД изнесувал 40,8 милијарди евра, пресметале статистичарите, што е намалување од 13,3 отсто во однос на пролетниот квартал.
Споредбата со првиот квартал покажува околу за половина помал плус, при што статистичарите забележаваат дека сумата од 81,2 милијарди евра во периодот јануари-март била највисоката откако се објавуваат податоците.
Почетокот на годината беше обележан со раст на испораките во САД, напомнуваат статистичарите, бидејќи компаниите брзаа со нарачаките пред стапувањето на сила на најавените американски царини.
Во периодот од јули до септември, Унијата забележа најголем суфицит во трговијата со хемикалии и сродни производи и машини и возила, од 23,0 милијарди и 19,6 милијарди евра, соодветно.
Според податоците на Eurostat, потоа следуваат секторот за други индустриски производи и секторот за храна и пијалaци.
Сифицитот во трговијата со хемикалии, традиционално силен европски извозен сектор, се намали и во третиот и во вториот квартал, кога изнесувал 24,7 милијарди евра. На почетокот од годината, скокна на 54,1 милијарди евра во очекување на царините, забележуваат статистичарите.
Во третиот квартал, Унијата забележа дефицит во трговијата со стоки со САД во категоријата енергија, од 14,3 милијарди евра, и во категоријата суровини, од 1,4 милијарди евра, според податоците на Eurostat.
Дефицитот во трговијата со енергенси сè уште значително помал отколку на почетокот на годината, кога изнесуваше 17,9 милијарди евра.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица