Голема златна монета искована во 1609 година за шпанскиот крал Филип III ги собори рекордите и стана највредната монета во Европа.
Уникатна златна монета со тежина од 339 грама е продадена на аукција во Швајцарија за 3,49 милиони долари, објави аукциската куќа Numismatica Genevensis SA, потврдувајќи дека е урнат европскиот рекорд за највредна монета.
Овој уникатен предмет имаше почетна цена од 2 милиона швајцарски франци (приближно 2,48 милиони американски долари).
Сентенот, или 100 ескудоси во поранешната шпанска валута, е направен во централниот шпански град Сеговија од злато коешто морепловците го донеле од „новиот свет“.
Откако бил изгубен неколку векови, се појавил во Соединетите држави околу 1950 година, каде што бил купен од колекционер од Њујорк и продаден на шпански купувач. Златната монета подоцна била продадена на аукција на друг колекционер чиј идентитет е непознат.
Претходниот рекорд го држеше дукатот кој некогаш му припаѓал на Фердинанд III Хабсбуршло и беше продаден за 2,42 милиони долари, изјави Франк Балдачи, директор на аукциската куќа.
Слични новости
Дете изгоре автомобил со жижица
Петгодишно момченце, на кое мајка му дала жижица, запалило автомобил и предизвикало штета од 30.000 евра, соопшти во неделата полицијата во западната германска покраина Северна Рајна-Вестфалија
Бен Стилер му возврати на Тарантино
Актерот Бен Стилер застана во одбрана на колегата Пол Дан откако култниот режисер Квентин Тарантино го нарече „проклето најлошиот актер во Холивуд” во шокантната изјава
Шпанска Сарагоса најпристапен град за лицата со попреченост
Шпанскиот град Сарагоса ја освои првата награда на натпреварувањето Пристапен град за лицата со попреченост за 2026 година, пред уште еден град во Шпанија, Валенсија и францускиот Рен, на натпреварувањето што го организира Европската комисија