Синоќа во Кавадарци полицијата го приведе пејачот Аца Лукас среде настап

Популарниот српски турбо-фолк пејач Аца Лукас синоќа гостуваше во познат локал во Кавадарци, но настапот бил ненадејно прекинат околу полноќ. Според сведоштва на присутни, објавени од повеќе веб-портали, полицијата влегла во објектот и го прекинала настапот.

Публиката околу половина час чекала повторно да се врати на сцената, но од организаторите било соопштено дека Лукас е однесен во полициска станица. На социјалните мрежи веќе кружат видеа на кои се гледа како пејачот го напушта локалот во придружба на полицијата, обидувајќи се нешто да им објасни на службениците. Дел од фановите на Аца Лукас се собраа пред полициската станица во Кавадарци каде што тој бил одведен.

Полицијата сеуште не ги соопшти причините зошто бил привене Аца Лукас, а неговиот менаџер Саша Мирковиќ во видео порака за инцидентот го обвини премиерот Христијан Мицкоски.