Автопортрет од познатата мексиканска уметница Фрида Кало е продаден за 54,7 милиони долари во Њујорк, поставувајќи рекорд за највредно дело од уметница некогаш продадено на наддавање, соопшти аукциската куќа Sotheby’s.
Аукциската куќа соопшти дека двајца понудувачи се натпреварувале во петминутна војна за лицитирање за сликата од 1940 година „El sueno (La cama)“, што во превод значи „Сонот (Креветот)“ и ја прикажува Кало како лежи во кревет. Идентитетот на победникот на аукцијата не е откриен.
Претходниот рекорд за дело од уметница на аукција го држеше американската сликарка Џорџија О’Киф, чие „Jimson Weed / White Flower No. 1“ (Џимсон Вид / Бел цвет бр. 1) беше продадено за 44 милиони долари во 2014 година. Рекордот за дело од Фрида Кало беше 34,9 милиони долари, поставен во 2021 година.
„El sueno (La cama)“последен пат беше продадено на аукција во 1980 година за 51.000 долари – околу илјадити дел од сегашната цена. Ана Ди Стаси, раководител на одделот за латиноамериканска уметност во Sotheby’s, рече дека продажбата го одразува и растечкото ценење на генијалноста на Кало и растечкото признавање на женските уметници на пазарот на луксузни стоки.
Светски познатата уметница е родена во 1907 година и починала во 1954 година на само 47-годишна возраст по живот обележан со физичка и емоционална болка. Таа беше најпозната по своите автопортрети.
Слични новости
Претседателот Доналд Трамп ќе биде во улога на шоумен и домаќин на церемонијата на доделување на почесните награди во Кенеди центарот
Сум ги гледал досегашните водители. Ако не можам да го надминам Џими Кимел во талентот, тогаш и не заслужувам да бидам претседател, изјави Трамп.
Зоотопиа 2 се приближува до заработка од една милијарда долари
Анимацискиот феномен на студиото Волт Дизни „Зоотопиа 2“ надвор од САД стана најсупешниот филм оваа година со заработка од дури 695,3 милиони долари за две недели прикажување.
Хоророт „Петте ноќи кај Фреди“ прв на американскиот Бокс Офис
Секвелот на Блумхаус хорор филмот „Петте ноќи кај Фреди“ викендов заработи 63 милиони долари на кино благајните во САД, што е најдобро отварање на филм во викенд по празничниот продолжен викенд за Денот на благодарноста.