Санс ги декласираа Пејсерс, гостински победи на Репторс и Хокс

На распоредот на НБА лигата изминатата ноќ се одигаа три натпревара. Феникс Санс ги декласираа Индијана Пејсерс со 133:98, Атланта Хокс ги победија Јута Џез со 132:122 на гости, додека Торонто Репторс ги победија Кавалирс со 126:113 во Кливленд.

Санс во својот „Mortgage Matchup Centr“ ги победија Пејсерс со 35 поени разлика, забележувајќи ја осмата победа. Пејсерс беа шампиони на Источната конференција минатата сезона, но годинава ги мачат повредите. Загубија шест натпревари по ред и паднаа на соодносот 1-11 оваа сезона.

Домашниот тим имаше разлика од осум поени по првата четвртина, +18 на полувремето и 22 поени на крајот од третиот период. Санс ја добија и последната четвртина, па на крајот беше големи 133:98.

Девин Букер со 33 и Дилон Брукс со 32 поени се издвоија во победничките редови. Кај Пејсерс најефикасни беа Ендру Нембхард со 21 поен и осум асистенции, и Паскал Сијакам со 19 поени.

 Торонто Репторс ги победија Кавалирс со 126:113 во Кливленд. Репторс шутираа со 56 отсто од поле и погодија 12 тројки за својата шеста победа во седум натпревари, и седма вкупно, додека Кавс го претрпеа својот петти пораз.

Торонто водеше со 67:54 на полувремето, но Кливленд го намали нивното водство на 90:85 до крајот на третата четвртина. Кавалирс се одржуваа во натпреварот во првите минути од последниот период, но Репторс избегаа со серија од 6:1 до +10 (98-88) и не го испуштија водството до крајот.

Скоти Барнс ги предводеше гостите со 28 поени, 10 скока, осум асистенции и пет блокади. Имануел Квикли додаде 25 поени, а Џејкоб Поелтл додаде 20 поени и седум скока. На спротивната страна, Донован Мичел се истакна со 31 поен, шест скока и шест асистенции.

Атланта, исто така, победи на гостински терен, победувајќи ја Јута со 132:122. „Јастребите“ сега имаат скор од 8-5, а „Џезерите“ се 4-8.

Хокс водеа со дури 18 поени, но домаќините се вратија во игра со водство од 106:103 на почетокот на последната четвртина. Атланта ја обезбеди победата со серија од 8:0 во завршната фаза кога побегна на 127:117 на три минути пред крајот.

Атланта постави нов рекорд на франшизата со дури 15 тројки во првото полувреме од 25 обиди. Џејлен Џонсон ги предводеше Хокс со 31 поен, 18 скока, 14 асистенции и седум украдени топки. Џонсон постави лични рекорди во поени и асистенции за својот трет трипл-дабл во кариерата. Оњека Оконгву, исто така, беше одличен со 32 поени и 11 скока, погодувајќи осум тројки, откако досега никогаш не постигна повеќе од четири тројки во еден натпревар.

Лаури Марканен беше најефикасен за домаќините со 40 поени и седум скока. „Рукито“ Ејс Бејли имаше рекордни 21 поен во кариерата, додека Кејонте Џорџ додаде 19 поени.

globe

Слични новости