Геомагнетната бура на Земјата, предизвикана од голем бран на сончево зрачење, привремено ја приземји ракетата на компанијата „Blue Origin“ што носеше два сателита на американската агенција за вселенски истражувања NASA дизајнирани да ги мерат временските услови на Марс.
Од „Blue Origin“ објавија дека нивната џиновска ракета „New Glenn“ е подготвена за лансирање, што би била првата голема научна мисија на ниво на NASA што вселенската компанија на Џеф Безос некогаш ја презела за клиент што плаќа. Тоа би било и првото лансирање на компанијата од инаугуративниот лет на ракетата „New Glenn“ во јануари.
„Сепак, поради многу високата сончева активност и нејзините потенцијални ефекти врз вселенското летало EscaPADE, NASA го одложува лансирањето додека не се подобрат временските услови на вселената“, соопшти компанијата на својата веб-страница во средата.
Двостепената ракета „New Glenn“ за превоз на тешки товари висока 32 ката, требаше да биде лансирана во недела од американската вселенска станица во Кејп Канаверал, на Флорида, носејќи два сателита „EscaPADE“ за Марс во својот товарен простор. Но, лансирањето беше откажано тој ден поради голема облачност.
Мисијата беше презакажана за средата, но „Blue Origin“ го откажа лансирањето на неодредено време откако Американскиот центар за предвидување на вселенското време издаде предупредувања за силна геомагнетна бура. Бурата е предизвикана од експлозија на високоенергетски наелектризирани честички исфрлени во вселената од големи ерупции на површината на Сонцето.
Резултантниот поток од зрачење на наелектризирани честички, или плазма, беше измерен на Земјата во среда на нивоа на G-4, или „тешка“, еден степен под највисокото ниво на G-5, или „екстремна“. Се очекува геомагнетната бура дополнително да се интензивира во четврток.
Познато е дека геомагнетните бури ги нарушуваат радио и сателитските комуникации. Тие, исто така, можат да ја зголемат густината на атмосферата, создавајќи интензивно триење или отпор врз сателитите и другите вселенски летала во ниската Земјина орбита, како што се случи во февруари 2022 година кога беа онеспособени 40 сателити Starlink неодамна лансирани од „SpaceX“.
Иронично, двата сателита „EscaPADE“ – кратенки за Escape и Plasma Acceleration and Dynamics Explorers – треба да проучуваат слични феномени на Марс на крајот од 22-месечното патување до Црвената планета.
Двете вселенски летала, наречени „Blue“ и „Gold“, се дизајнирани да орбитираат околу Марс заедно за да анализираат како потоци од наелектризирани сончеви честички комуницираат со релативно слабото магнетно поле на Марс и како оваа интеракција предизвикала планетата да изгуби голем дел од својата атмосфера во текот на милијарди години.
Слични новости
Претседателот Доналд Трамп ќе биде во улога на шоумен и домаќин на церемонијата на доделување на почесните награди во Кенеди центарот
Сум ги гледал досегашните водители. Ако не можам да го надминам Џими Кимел во талентот, тогаш и не заслужувам да бидам претседател, изјави Трамп.
Зоотопиа 2 се приближува до заработка од една милијарда долари
Анимацискиот феномен на студиото Волт Дизни „Зоотопиа 2“ надвор од САД стана најсупешниот филм оваа година со заработка од дури 695,3 милиони долари за две недели прикажување.
Хоророт „Петте ноќи кај Фреди“ прв на американскиот Бокс Офис
Секвелот на Блумхаус хорор филмот „Петте ноќи кај Фреди“ викендов заработи 63 милиони долари на кино благајните во САД, што е најдобро отварање на филм во викенд по празничниот продолжен викенд за Денот на благодарноста.