Од среда, 12-ти ноември, воздухопловната компанија „Ryanair“ повеќе нема да издава хартиени билети, туку само дигитални за качување во авионот, кои патниците ќе ги добиваат преку својот профил/сметка во апликацијата „Ryanair“.
„Ryanair“, како една од водечките европски авиокомпании, првично најави премин на исклучиво дигитални билети за првите денови од ноември. Потоа бјавија дека ќе почнат да го прават тоа на 12-ти ноември, бидејќи од тогаш можат да обезбедат „беспрекорен премин“ на само дигитални билети поради периодот со помал сообраќај по густата летна сезона.
„За да обезбедиме непречен премин кон сто отсто дигитални билети за патниците во авионите, решивме да го сториме тоа од 12-ти ноември, бидејќи ова е традиционално потивко време за патување по летните одмори. Веруваме дека ова ќе им обезбеди побрзо, попаметно и поеколошки искуство за патување на патниците што ја користат нашата апликација“, изјави директорката за маркетинг на „Ryanair“, Дара Брејди.
Ова значи дека од средината на следната седмица, патниците на „Ryanair“ на сите летови повеќе нема да можат да ги преземаат или печатат своите билети за летовите во физичка хартиена форма, туку ќе користат само дигитален билет којшто ќе биде во нивната апликација „myRyanair“.
Таквиот „потег“ е најновиот чекор во дигиталната трансформација на „Ryanair“, откако тие веќе воведоа неколку нови функции во нивната апликација насочени кон подобрување на искуството со патувањето на патниците, од нарачување храна и пијалоци на летот преку мобилната апликација, до ажурирања на летот во реално време, вклучувајќи влез во авионот, излези, доцнења и какви и да се други прекини во сообраќајот.
За патниците што патуваат со овој превозник, ова не е голема вест бидејќи, како што вели компанијата, околу 80 проценти од нивниот вкупен број од над 206 милиони патници (годишно) веќе користеле дигитални билети за летивите (на мобилни телефони во апликацијата), а со целосно преминување на дигиталните билети од 12-ти ноември го следат примерот на другите индустрии што продаваат билети за фестивали, музички и спортски настани, концерти, натпревари итн.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица