Рускиот претседател Владимир Путин во средата им нареди на своите високи функционери да изготват предлози за евентуално тестирање на нуклеарно оружје, откако американскиот претседател Доналд Трамп минатата недела изјави дека САД ќе продолжат со ваквите тестови.
Според официјалните податоци, САД последен пат спроведоа нуклеарни тестови во 1992 година, Кина и Франција во 1996 година, а Советскиот сојуз во 1990 година. Постсоветска Русија, која го наследи советскиот нуклеарен арсенал, никогаш не го стори тоа.
Путин рече дека Русија отсекогаш строго се придржувала до своите обврски според Договорот за сеопфатна забрана за нуклеарни тестови, но дека доколку САД или која и да е друга нуклеарна сила тестира такво оружје, Русија ќе го стори истото.
Министерот за одбрана Андреј Белоусов му рече на Путин дека неодамнешните изјави и активности на САД значат дека е „препорачливо веднаш да се подготват за целосни нуклеарни тестови“.
Како што објави рускиот министер за одбрана, САД во октомври спроведоа вежба за превентивен нуклеарен ракетен напад врз Русија. Натаму, Вашингтон планира да распореди ракети во Европа и Азиско-пацифичкиот регион кои би имале време на лет од 6-7 минути од Германија до централна Русија.
Белоусов рече дека рускиот арктички полигон за тестирање на Новаја Земја може да биде локација на такви тестови во краток рок.
„Им наложувам на Министерството за надворешни работи, Министерството за одбрана… специјалните служби и надлежните цивилни агенции да сторат сè што е можно за да соберат дополнителни информации за ова прашање, да го анализираат во Советот за безбедност и да дадат договорени предлози за евентуално започнување на работата за подготовка на тестови за нуклеарно оружје“, рече Путин.
Слични новости
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје