Европските берзи паднаа за повеќе од еден отсто во претпладневнот тргување во вторникот, додека инвеститорите чекаат нови деловни извештаи од европските компании.
Индексот STOXX 600 на водечките европски акции падна за 1,2 отсто во првиот денвен пресек од тргувањето.
Лондонскиот индекс FTSE се лизна за 0,85 отсто на 9.618 поени, додека франкфуртскиот DAX потона за 1,61 отсто на 23.745 поени, а парискиот CAC 40 падна за 1,38 отсто на 7.998 поени.
Азиските берзи, исто така, забележаа пад на цените на акциите. Индексот MSCI на акциите од Азиско-пацифичкиот регион, без јапонските, се лизна за 0,5 отсто во истиот термински пресек како и во Европа, лизнувајќи се од највисокото ниво во последните четири ипол години. Во меѓувреме, цените на акциите во Индија, Шангај, Хонгконг, Австралија, Јапонија и Јужна Кореја паднаа за меѓу 0,4 и 2,4 отсто.
Последните седмици индексите во Јапонија, Јужна Кореја и Тајван речиси континуирано достигнуваа рекордни нивоа, благодарение на порастот на цените на акциите во технолошкиот сектор поради еуфоријата околу развојот на вештачката интелигенција. Сепак, од утрово инвеститорите одлучија да повлечат дел од својата добивка од пазарот.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица