Берзанските индекси во благ пад

Цените на акциите паднаа и на повеќето азиски берзи. Индексот MSCI Азиско-пацифички регион, без јапонските, падна за 0,2 отсто во истиот термински пресек како и во Европа, но сè уште е на добар пат за седмичен раст од над 1,0 отсто и месечен раст од над 4,0 отсто. Цените на акциите во Австралија, Индија, Шангај и Хонгконг паднаа за меѓу 0,1 и 1,4 отсто, додека во Јапонија и Јужна Кореја пораснаа за меѓу 0,5 и 2,1 отсто.

Додека цените паднаа на повеќето пазари, во Јапонија и Јужна Кореја индексите достигнаа рекордни нивоа, главно благодарение на растот на цените на акциите во технолошкиот сектор.

Инвеститорите беа охрабрени од подобрите од очекуваните квартални деловни резултати на два гиганти – „Amazon“ и „Apple“ објавени синоќа по затворањето на Волстрит. Благодарение на ова, цената на акциите на „Amazon“ скокна за дури 13 отсто утрово, а на „Apple“ за повеќе од 2 отсто.

Затоа, по вчерашниот пад, терминскиот индекс Nasdaq моментално е во раст за повеќе од 1 а S&P 500 е во раст за околу 0,6 отсто. И покрај ова, цените на акциите паднаа на повеќето азиски берзи, делумно поради слабите податоци за индустриската активност во Кина, што укажува на бавен раст во втората по големина економија во светот.

Покрај тоа, инвеститорите не беа особено охрабрени од принципиелниот договор меѓу Вашингтон и Пекинг за идните трговски односи.

Американскиот претседател Доналд Трамп по вчерашната средба со кинескиот претседател Кси Џинпинг, изјави дека е договорено САД да ги намалат царините за увоз на кинески стоки на 10 отсто, а Кина да продолжи да купува соја од САД, да ги ублажи ограничувањата за извоз на ретки земни минерали и да ја спречи нелегалната трговија со фентанил.

Сепак, пазарите не реагираа особено на тоа бидејќи, велат аналитичарите, тоа се смета само за тактичко примирје, а не за голем пресврт во билатералните односи.