Палестинската милитантна група Хамас во четвртокот предаде уште две тела за кои вели дека се останките на израелски заложници, ден откако кревкото примирје во Газа беше загрозено од серија смртоносни израелски напади низ енклавата со речиси 110 убиени Палестинци од кои речиси половината беа деца.
Канцеларијата на израелскиот премиер Бенјамин Нетанјаху објави дека израелските сили примиле две тела преку членови на Црвениот крст во Газа и дека тие ќе бидат транспортирани во Израел за идентификација.
Според договорот за прекин на огнот, Хамас ги ослободи сите живи заложници во замена за речиси 2.000 палестински затвореници и воени заробеници, додека Израел ги повлече своите трупи од главниот град Газа, ја запре својата офанзива и го овозможи до едно ниво проток на помошта за изгладнетото и изнемоштено население на енклавата.
Хамас се согласи да ги предаде останките на сите 28 заложници во замена за останките 360 палестинскиб борци убиени во војната. До четврток, движењето предаде 15 тела.
Израел го обвини Хамас дека е премногу бавен во тоа, додека милитантната група вели дека ѝ треба повеќе време за да ги лоцира и врати сите останки кои се затрупани под урнатините на зградите и подземните тунели во израелската војна ширум областа.
Семејствата на заложниците според јудејските обичаи очајно сакаат да ги погребаат своите најблиски со достоинство и се плашат дека нивните останки ќе бидат изгубени засекогаш под урнатините на Газа.
Овие тешкотии го комплицираат планот на американскиот претседател Доналд Трамп за трајно завршување на војната во Газа. Претстојат бројни пречки, вклучувајќи ги преговорите за идното управување со Газа и разоружувањето на Хамас. Во исто време, страните се обвинуваат меѓусебно за кршење на прекинот на огнот.
Слични новости
Зеленски вели дека е подготвен за избори ако партнерите гарантираат безбедност
Украинскиот претседател Володимир Зеленски изјави дека е подготвен да одржи избори во рок од 60 до 90 дена, дури и додека војната со Русија продолжува, ако САД и Европа можат да ја гарантираат безбедноста на таквото гласање
Тајландски борбени авиони ја нападнаа Камбоџа
Тајландски борбени авиони ја нападнаа Камбоџа во средата наутро, по ескалацијата на граничните конфликти меѓу двете азиски земји, според локалните камбоџански медиуми
Мировниот план за Украина предвидува нејзино членство во ЕУ во 2027
Новиот мировен предлог на САД за окончување на конфликтот во Украина предвидува влегување на оваа земја во ЕУ во 2027 и формирање на широка демилитаризирана зона во должина на линијата на контактот со Русија