Унгарија работи на наоѓање начин да ги заобиколи американските санкции врз руските нафтени компании, изјави во петокот премиерот Виктор Орбан, без да даде детали или да наведе дека ќе ги игнорира санкциите.
Американскиот претседател Доналд Трамп, близок сојузник на унгарскиот челник, во средата воведе санкции врз Русија првпат во својот втор мандат, насочени кон „Лукоил“ и „Росњефт’, во обид, како што тврди, да изврши притисок врз Москва да се согласи на прекин на огнот во Украина.
Потегот на Трамп ги зголеми цените на нафтата и ги загрижи Унгарија и Словачка, најголемите купувачи на руска нафта во Европската унија, кои веќе мораа да обезбедат изземања од европските антируски санкции.
Орбан рече дека разговарал со унгарската компанија за нафта и гас MOL за санкциите. „Работиме на тоа како да ги заобиколиме овие санкции“, рече тој во интервју за државното радио Кошут.
Рафинериите на MOL во Унгарија и Словачка, со комбиниран капацитет за преработка од 14,2 милиони тони сурова нафта годишно, зависат од руската сурова нафта транспортирана преку нафтоводот Дружба.
Словачката подружница на MOL – Slovaft, во четвртокот изјави дека го анализира можното влијание на американските санкции, кои треба да стапат на сила подоцна во ноември, врз нејзиното работење. MOL и минатата година, како и со повеќепати изминатите две децении, се соочи со проблеми со снабдувањето кога Украина ги прекина испораките преку цевководот Дружба преку нејзина територија и воведуваше санкции за руските компании.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми