Крадците кои извршија дрзок грабеж во музејот Лувр во Париз побегнаа со накит вреден околу 88 милиони евра, изјави во вторникот париската обвинителка Лора Беко.
„Важно е да се запомни дека ова е финансиска загуба која не е ништо во споредба со историската штета предизвикана од оваа кражба“, изјави обвинителката за радио RTL.
Во она што некои политичари го опишаа како национално понижување, четири лица упаднаа во Лувр во неделата рано претпладнето веднаш по отворањето на музејот, искачувајќи се на горниот кат користејќи кран, каде што скршиле прозорец. Одземале предмети од кралската галерија за накит Аполо и избегале со мотоцикли.
Меѓу осумте украдени парчиња накит се тијарата и обетки на кралицата Марија Амалија и кралицата Хортенза од почетокот на XIX век. Дијадемата на царицата Евгенија беше пронајдена пред музејот, наводно испаднала за време на бегството.
Тоа беше првиот грабеж во Лувр од 1998 година, кога беше украдена слика од Камил Коро и никогаш повеќе не беше видена.
Грабежот во неделата повторно ја разгоре дебатата за она што критичарите го нарекуваат слаба безбедност во француските музеи, кои се многу помалку безбедни од банките и се сè повеќе мета на крадци.
Француската полиција продолжува да ја бара групата крадци, а околу 60 истражители работат на случајот. Службениците велат дека крадците се чини дека се многу искусни и можеби се „странски“ државјани.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков