Украинскиот претседател изјави дека е подготвен да присуствува на средбата на неговиот американски колега Доналд Трамп со рускиот претседател Владимир Путин во Будимпешта, доколку биде поканет.
Трамп и Путин се согласија за нивниот втор состанок во унгарската престолнина за да се најде решение за војната во Украина.
Зеленски го посети Вашингтон во петокот, каде што не успеа да го убеди американскиот претседател да испорача ракети со долг дострел „Tomahawk“ во Киев кои ќе гаѓаат стратешки цело длабоко на руска територија.
„Ако бидам поканет во Будимпешта, без разлика дали станува збор за покана во форма на тристран состанок или патувачка дипломатија, како што се нарекува (ситуацијата) каде што претседателот Трамп се среќава со Путин, а претседателот Трамп со мене, тогаш, во една или друга форма, ќе се договориме“, рече Зеленски на прес-конференција.
Сепак, украинскиот претседател верува дека Будимпешта не е „најдоброто место за оваа средба“.
Блискиот сојузник на Доналд Трамп во рамките на Европската унија, унгарскиот премиер Виктор Орбан одржува помирувачки тон кон Путин и покрај неговата инвазија на Украина, додека широко го критикува Зеленски.
Според Зеленски, условите на Русија за мир останале непроменети, вклучително и повлекувањето на украинските сили од целиот регион Донбас, индустриски регион во источна Украина што Москва сака да го анектира.
Тој рече дека им објаснил на американските соговорници за време на неговата посета на Вашингтон дека „ставот на Украина не се променил“, што значи дека ги отфрла условите на Русија.
„Нема да им ја предадеме победата на Русите“, рече тој.
Зеленски, исто така, посочи дека на неговата земја ѝ се потребни 25 дополнителни американски системи за воздушна одбрана „Patriot“, модерно и скапо оружје, за да се спротивстави на руските ракетни напади.
Тој на прес-конференција изјави дека „започнал разговори со одбранбени компании“ за „подготовка на договор за 25 системи „Patriot“. „Toa се 25-те системи што ни се потребни“, нагласи тој.
Сепак, бидејќи САД сега ја снабдуваат Украина само со оружје платено од Европејците, финансирањето за системите „Patriot“ треба „да дојде од замрзнати руски средства“, тврдеше Зеленски.\
Украинскиот претседател не успеа да го убеди Трамп во петокот да испрати американски крстосувачки ракети „Tomahawk“ во Украина.
„Според мое мислење, тој не сака никаква ескалација со Русите пред средбата со нив“ во Будимпешта, рече Зеленски.
Слични новости
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје