Осми локални избори, ќе се избираат градоначалници и советници во 80 општини и Скопје

Најмногу кандидати има за градоначалник на главниот град Скопје, вкупно 16, од кои само една жена. Постоа следат Прилеп и Струга по девет и Битола осум кандидати.

По два кандидати за градоначалник има во над една четвртина од оштините – во вкупно 21 општина, меѓу кои во Штип, Кратово и Крива Паланка.

Според родовата застапеност од вкупниот број кандидати за градоначалници на Локалните избори 2025, 89,64 проценти се мажи, а 10,35 отсто се жени. Ова е мало зголемување во однос на минатите, кога процентот на жени е 8 проценти.

Најмногу кандидатски листи за советници имало на изборите во 1996 – 747, потоа во 2009 – 701, па 2021 – 572, 2000 – 564, 2013 – 480, 2005 – 445 и најмалку во 2017 година – 371.

На овие локални избори има 576 кандидатски листи за членови на општинските совети со вкупно 10 490 кандидати, од кои 55 проценти се мажи, а 45 проценти жени, исто како и на минатите.

Најмногу кандидатски листи се поднесени за Град Скопје 19, потоа следат Битола – 16, Куманово и Долнени по 14.

Според возразната група од вкупно 10 799 кандидати за градоначалници и советници на возраст меѓу 18 и 20 години се 409 или 3,89 проценти, додека на возраст над 66 години се 985 кандидати или 9,12 проценти. Најмногу 25,36 проценти или 2 739 кандидати се на возраст меѓу 36 и 45 години.