Унгарскиот премиер Виктор Орбан изјави во петокот дека ќе разговара со рускиот претседател Владимир Путин подоцна во текот на денот, бидејќи Будимпешта ги започнува подготовките за средба меѓу Путин и американскиот претседател Доналд Трамп.
Трамп објави во четвртокот дека ќе се сретне со Путин во унгарската престолнина за да разговара за прекинување на војната во Украина.
Орбан, долгогодишен сојузник на Трамп, кој исто така одржува блиски врски со Русија и покрај војната во Украина, рече дека средбата „ќе биде за мир“ и дека мировниот договор ќе отвори нова фаза на економски развој во Унгарија и Европа.
Орбан изјави за државното радио дека средбата би можела да се одржи во следните две недели ако министрите за надворешни работи на САД и Русија успеат да ги решат преостанатите отворени прашања на планираниот состанок следната недела.
„Синоќа дадов наредба за формирање на организациски комитет, утврдивме кои се најважните задачи и започнаа подготовките“, рече Орбан. Тој не даде други детали.
Орбан рече дека Европа треба да отвори свои дипломатски канали со Русија и повторно ја обвини ЕУ дека зазема, како што го нарече, „провоен став“ во врска со Украина.
Унгарскиот премиер честопати се судираше со другите лидери на ЕУ во врска со Украина, прашувајќи дали блокот треба да испрати воена помош во Киев, а воедно да ја одржува големата зависност на Унгарија од увозот на руски гас и сурова нафта.
Слични новости
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков
Најмалку 23 мртви во пожар во ноќен клуб во Гоа
Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа