Цената на златото, во меѓувреме, утрово достигна ново рекордно ниво од 4.375 долари за унца, бидејќи неизвесноста на финансиските пазари ги поттикна инвеститорите да бараат побезбедни засолништа за својот капитал.
Неизвесноста околу глобалната трговија е еден од двигателите на скокот на цената на златото до нов рекорден максимум.
„Поради трговските тензии, многу глобални централни банки купуваат злато, а пониските каматни стапки и послабиот американски долар помагаат. Ова не е реакција на загриженоста за глобалната економија, туку политичка неизвесност“, коментира Сем Стовал, аналитичар во „CFRA Research“.
А на валутните пазари, од друга страна, вредноста на американскиот долар во однос на кошничката валути падна трет ден со ред, па индексот на доларот е на пат кон загуба оваа седмица од околу 0,6 отсто.
Индексот на доларот, кој ја искажува изведбата на американската валута во однос на другите шест најважни светски валути, утрово е околу 98,25 поени, додека вчера во истиот термински пресек беше 98,60 поени.
Истовремено, курсот на доларот во однос на јапонската валута се лизна од вчерашните 151,05 на 150,15 јени.
Американската валута, исто така, ослабе во споредба со европската, па цената на еврото достигна 1,1705 долари, додека вчера во истото време чинеше 1,1655 долари.
Цените на нафтата, од друга страна, благо паднаа. На лондонскиот пазар, цената на барелот утрово падна за 0,03 отсто, на 61,05 долари, додека на американскиот пазар, цената на барелот падна за 0,05 отсто, на 57,85 долари.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица