Во Токио се одигра пријателски натпревар меѓу фудбалските репрезентации на Јапонија и Бразил, кои веќе го обезбедија своето место на Светското првенство, а по пет гола и голем пресврт, домаќините победија со 3:2.
Бразил, предводен од италијанскиот селектор Карло Анчелоти, отиде на полувреме со два гола предност. Стрелци беа Пауло Енрике во 26. минута и Мартинели во 32. минута. Сепак, Јапонија ги одигра првите 25 минути од второто полувреме во транс и го сврте резултатот во своја корист.
Минамино го намали дефицитот на 1:2 во 52. минута, Накамура постигна гол во 62. минута за израмнување, а Уеда во 71. минута за 3:2 и целосен пресврт.
Ова беше 14-та средба меѓу Јапонија и Бразил и прва историска победа за јапонската репрезентација.
Пред неколку дена, Јапонија и Парагвај одиграа нерешено 2:2 во пријателски натпревар, додека Бразил убедливо ја победи Јужна Кореја со 5:0.
Слични новости
Манчестер Јунајтед убедлив кај Вулверхемптон
Фудбалерите на Манчестер Јунајтед се искачија на шестото место на табелата во англиското првенство со сигурна победа од 4-1 на гости против последниот Вулверхемптон Вондерерс
Голем пресврт на Милан во Торино
Милан се врати на врвот на табелата во италијанското првенство по големиот пресврт во последниот натпревар од 14-то коло одигран во понеделникот вечерта, како гостин победувајќи го Торино со 3:2
Ескалира конфликтот во Ливерпул меѓу Арне Слот и Мохамед Салах
Медиумите известуваат дека Арне Слот нема да го стави Салах на списокот на фудбалери што ќе отпатуваат во Милано каде што Ливерпул игра меч од Лигата на шампионите против Интер.