Полицајците на протест за поддршка на нивните колеги кои се под истрага за „Пулс“

Први за осуда – Последни за почит. Со оваа парола Независниот синдикат на полицијата изрази револт кон обвинителството за третманот на нивните колеги кои се под истрага за пожарот во кочанската дискотека „Пулс“. Порачаа дека бараат правда за сите жртви, за нивниот колега Тоше Тодоровски кој го загуби животот во пожарот, а изразуваат поддршка на колегите кои ја преживеале трагедијата.

Не се противат на истрагата против полициските службеници, туку бараат истрагата да биде јавна и транспарентна. Полицајците симболично ги оставија нивните легитимации со цел да укажат како што рекоа дека им е смачено да чекаат кој следен од нив ќе биде уапсен. Од утре најавија дека започнуваат со поднесување на кривични пријави против обвинители и судиите.