Кошаркарите на Оклахома утрово ја победија Индијана со 111:104 во четвртиот натпревар од финалето на НБА лигата.
Индијана водеше во текот на целиот натпревар, но во завршницата Оклахома одигра многу цврста одбрана и направи серија од 8:0, додека нејзините две ѕвезди Шеи Гилџес Александар и Џејлен Вилијамс реализираа шутеви во клучните мометни од натпреварот.
МВП-то на НБА Шеи Гилџес Александар го заврши мечот со 35 поени, Џејлен Вилијамс постигна 27, а Алекс Карузо 20 коша за Оклахома. Чет Холмгрен забележа 15 скокови со 14 поени.
Кај Индијана најпрецизен беше Паскал Сијакам со 20 поени, а Тајрис Халибартон постигна 18 поени со седум асистенции. Одлична партија од клупата имаше и Оби Топин со 17 поени.
Индијана имаше контрола на натпреварот со многу брза игра, подобар шут за тројка и одлична одбрана врз СГА, но на крајот превагна страшната одбрана на Оклахома, кога во последните 3 минути од натпреварот играчите на Индијана тешко доаѓаа до позиција за шут.
Серијата се враќа во Оклахома, а следниот меч ќе се игра ноќта меѓу понеделник и вторник во 02 и 30 по средноевропско време.
Слични новости
Манчестер јунајтед заинтересиран за голманот на Астон Вила Емилијано Мартинез
Британските медиуми наведуваат дека менаџерот на Манчестер јунајтед Рубен Аморим не е задоволен со одбраните на првиот голман Андре Онана во минатата сезона и дека поради тоа решил да ангажира нов чувар на мрежата.
Интер Мајами и Ал Ахли одиграа без голови во премиерниот натпревар на Светското клупско првенство
Најголемата шанса за гол ја имаа Египќаните, но фудбалерот на египетскиот тим, Трезеге, промаши пенал во 43-тата минута.
Буфон потврди дека Џенаро Гатузо е нов селектор на фудбалската репрезентација на Италија
Гатузо е новиот селектор на италијанската репрезентација. Донесовме најдобра одлука, изјави директорот на италијанската фудбалска репрезентација Џанлуиџи Буфон за италијанските новинари.