Црвениот тепих од скалилате на зградата каде што традиционално се одржува Канскиот филмски фестивал се менуваше секојдневно од 13 до 24 мај, колку што траеше настанот, а сега се нуди на продажба по цена од едно евро за килограм.
Тон и половина од црвениот синтетички материјал по кој повторно чекореа бројни светски кино-ѕвезди оваа година добива нов живот во Марсеј во рацете на стилисти, за потребите на театарски трупи или модни ревии, пишува францускиот Le Figaro.
„Го продаваме како ‘едноставен, фин црвен филц тепих’, а не како ‘Кански тепих’, изјави за AFP Жан Ре, координаторка на „Réserve des Arts“, здружение кое рециклира отпад за креативни цели.
„Не ја продаваме оваа ткаенина за маркетиншки цели, бидејќи ќе се продава по иста цена без разлика на сè. Целта е да им биде достапна на што е можно повеќе членови“, продолжи Ре.
„Ова се предмети кои не биле наменети за повторна употреба. Со нивното рециклирање, придонесуваме за намалување на влијанието врз животната средина од одредени настани, за што раководството на Фестивалот е многу свесно“, рече Ре.
„Правиме класични торбички од тепихот во Кан, но и торби за шишиња вино, капи, футроли за очила – доста уникатни парчиња“, објаснува Елса Рамуни-Јордикијан, клиентка на „Réserve des Arts“ и секретарка на здружението „Les Nippones“, кое повеќе од четири години користи делови од познатиот тепих за рециклирање.
Слични новости
„Како да го тренирате вашиот змеј“ ќе оствари профит од близу 200 милиони долари во премиерниот викенд
Адаптацијата на филмот од 2010 „Како да го тренирате вашиот змеј“, се очекува да отвори со заработка од 84 милиони долари на Бокс Офисот во САД и близу 200 милиони долари глобално.
Илјадници британски студенти направиле плагијати на своте трудови користејќи вештачка интелигенција
Истражувањето што го спроведе лондонскиот весник гардијан покажа дека илјадници студенти минатите години го злоупотребиле „ЧетЏипити“ и други алатки на вештачката интелигенција, додека другите традиционални начини за пишување плагијати се значително намалени.
Метју МекКонахи повторно ќе соработува со креаторот на „Вистински детектив“ Ник Пицолато
Холивудските медиуми известуваат дека дојде време за нова соработка меѓу актерот Метју МекКонахи и креаторот на „Вистински детектив“ Ник Пицолато, кои имаа огромен успех со првата сезона на „Вистински детектив“ за ХБО од 2014.