Комисијата за репрезентативност работи континуирано, се пребројуваат кандидатите – членови на синдикатите, но мислам дека процесот е во завршна фаза. Чекам час поскоро да биде финализиран и веднаш потоа да се свика седница на Економско-социјалниот совет (ЕСС) зашто има многу клучни теми за дискусија како што е потрошувачката кошничка, а треба да се носат и одлуки, рече денеска министерот за економија Бесар Дурмиши.
Според Дурмиши, и потрошувачката кошничка е во завршна фаза, но треба да се стави на дневен ред на ЕСС и да се донесе одлука.
Одговорајќи на новинарски прашања по прес-конференцијата во Владата, министерот истакна дека е многу важно да има рамноправна застапеност на синдикатите во можноста да одлучуваат.
-Колку што имам информации, Комисијата за репрезентативност работи континуирано, се пребројуваат кандидатите членови на синдикатите и тоа е посложен процес, но мислам дека е во завршна фаза. Истовремено, одиме на намалување на процентот на репрезантативноста од 10 на 5 отсто за да го демократизираме дијалогот во ЕСС. Инаку, ние ја формиравме Комисијата која треба да прави пребројување и да одлучи кој синдикат е репрезентнтивен. Ако звршила со оваа работа, претпоставувам дека требаше да не информира, нагласи Дурмиши.
Според него, можно е на некои синдикати членовите да се преброени, но процесот мора да заврши целосно, да бидат преброени членовите на сите.
-При многу висок праг на репрезентативност може да се воведе идниректно бариера на синдикатите. Има и други вработени од други синдиакти, ќе им дадеме можност и тие да дејствуваат, да носат одлуки во ЕСС, тоа е намерата на Советот, а не да има само еден синдикат, потенцира Дурмиши.
Слични новости
Mакедонски граѓани ќе се евакуираат од Израел со владиниот авион
Премиерот Христијан Мицкоски рече дека владиниот авион ќе биде ангажиран во евакуацијата на неколку македонски граѓани во Израел
СДСМ: Вината за Кочани е во врвот на МВР, бараме оставки од Тошковски и Јанев
Целта на ВМРО-ДПМНЕ беше очигледна – да се спречи одговорноста да стигне до врвот на полицијата, до директорот на БЈБ Александар Јанев и до министерот Панче Тошковски.
22 македонски граѓани чекаат на евакуација и враќање од Израел
Евакуација и враќање од Израел чекаат 22 македонски државјани кои досега побарале помош од Министерството за надворешни работи. Од МНР соопштија дека во тек се активности за нивна скорешна евакуација и трансфер до безбедна локација, од каде што дополнително ќе се организира нивно враќање во земјата.