Актуелниот европски и италијански фудбалски вицешампион милански Интер официјално го назначи 44-годишниот романски стручњак Кристијан Киву за свој нов тренер и во понеделникот потпиша двегодишен договор со него.
Киву е поранешен играч на Интер, го носеше дресот на „Нераѕурите“ од 2007 до 2014 година, а ова ќе биде негова втора самостојна тренерска работа во кариерата, откако беше на клупата на Парма во пролетниот дел од неодамна завршената сезона.
„Во пролетта 2025 година, Кристијан ја доби својата прва можност како тренер на сениорскиот тим во Парма и освои 16 бода во 13 натпревари со тимот од Емилија. Сега започнува ново поглавје во неговата црно-сина приказна, со вредностите што отсекогаш го воделе: посветеност, жртва и неуморна работна етика“, објави Интер.
На клупата на Интер, Киву го замени Симоне Инзаги, кој го презеде кормилото на саудискиот Ал-Хилал, а неговиот прв натпревар на новата улога ќе биде на 17 јуни во Лопс Анџелес, кога ќе го предводи Интер во првото коло од Светското клупско првенство против мексикански Монтереј.
Слични новости
Наполи одвои 53 милиони евра за купување на Грилиш или Гарначо, тврди „Сан“
Наполи ја разгледува можноста за трансфер на играчот од средниот ред на Манчестер сити, Џек Грилиш или играчот од средниот ред на Манчестер јунајтед, Алехандро Гарначо, пишува „The Sun“.
ПСЖ синоќа убедлив против Атлетико Мадрид, утринава Ботафого го победи Сиетл
Фудбалерите на Париз Сен Жермен го победија во Пасадена тимот на Атлетико Мадрид со 4:0 во натпревар од првото коло на групата Б од Светското клупско првенство. Во вториот напревар од оваа група бразислки Ботафого ги победи Сиетл Саундерс со 2:1
Манчестер јунајтед заинтересиран за голманот на Астон Вила Емилијано Мартинез
Британските медиуми наведуваат дека менаџерот на Манчестер јунајтед Рубен Аморим не е задоволен со одбраните на првиот голман Андре Онана во минатата сезона и дека поради тоа решил да ангажира нов чувар на мрежата.