Очекувањата на германските извозници остро се влошиле во април, главно поради неизвесноста предизвикана од промените во царинската политика и трговските тензии, според истражувањето на институтот ifo.
Индексот на ifo, кој ги мери очекувањата на извозниците, падна во април за 7,6 поени, на минус 9,8 поени, што е најниско ниво од финансиската криза во 2007 година, ако се исклучи екстремниот пад во мај 2020 година, првата година од пандемијата на коронавирусот.
„Царинскиот конфликт со Соединетите американски држави ја згасна надежта дека бизнисот на извозниците ќе се опорави“, изјави раководителот на истражувачкиот оддел на Институтот ifo, Клаус Волрабе.
Многу е тешко да се предвиди што навистина ќе се случи следно со царинските давачки и ова веројатно ќе ја направи ситуацијата уште полоша, додаде Волрабе.
Очекувањата на извозниците се намалија во речиси сите сектори, покажа истражувањето. Надежите на производителите на автомобили за закрепнување целосно исчезнаа, при што индикаторот падна за 11,8 поени, на минус 13,7 поени.
Американскиот претседател Доналд Трамп воведе царини од 25 проценти за увоз на автомобили, а на почетокот на мај се очекува САД да воведат и царини од 25 проценти за увоз на автомобилски делови.
Во секторот за машинско инженерство, индексот падна за околу 16 поени, на минус 10 поени.
Очекувањата во хемиската индустрија исто така значително се влошија, при што индексот падна на минус 4,4 поени.
Само извозниците на пијалоци се пооптимисти, чиј индекс скокна за осум поени на 32,4 поени.
Германските извозници на пијалоци главно испорачуваат производи во рамките на Европската унија, па затоа трговската војна што ја започнаа САД ги погодува во помала мера, објасни Волрабе.
Сепак, уделот на овој сектор во германскиот извоз е многу мал во споредба со машинската и автомобилската индустрија, забележува агенцијата dpa.
Слични новости
Доларот стагнира, нафтата поскапе
На валутните пазари, во понеделникот претпладнето стагнира вредноста на американскиот долар во однос на кошничката на валути
Доларот зајакна во однос на кошничката валути, по неколкуте седмици пад
На валутните пазари, вредноста на доларот во однос на кошничката валути се зголеми минатата седмица, првпат од средината на март, бидејќи трговските тензии меѓу САД и Кина малку се намалија
Надежите за трговски договор меѓу САД и Кина ги поттикнаа глобалните берзи
Цените на акциите нагло пораснаа на глобалните берзи минатата седмица, бидејќи помирувачките пораки од американскиот претседател Доналд Трамп ги зголемија надежите на инвеститорите за трговски договор меѓу САД и Кина