Надежите за трговски договор меѓу САД и Кина ги поттикнаа глобалните берзи

Американската економија забавува „освен ако Господинот предоцна“, големиот губитник, не ги намали каматните стапки веднаш“, напиша Трамп на социјалните мрежи.

Трамп го критикува Пауел затоа што претседателот на Fed последните месеци изјавуваше дека централната банка нема да преземе никакви мерки во врска со каматните стапки додека чека податоци за тоа како зголемувањето на царините ќе влијае на инфлацијата и економскиот раст. Нападот на Трамп ја доведува во прашање независноста на централната банка, а неговите навреди го нарушуваат и нејзиниот кредибилитет, поради што Волстрит нагло падна во понеделник.

„Земјите што имаат независни централни банки имаат побрз економски раст, пониска инфлација – тие имаат подобри економски резултати за своите луѓе. А политичарите што се обидуваат да влијаат врз Федералните резерви… тоа е навистина лоша идеја и многу застрашувачко за пазарот“, рече Џед Елербрук, менаџер на портфолио во компанијата „Argent Capital Management“.

Сепак, во вторникот индексите ги надоместија сите претходни загуби, бидејќи Трамп рече дека нема планови да го отстрани Пауел, туку само сака пониски каматни стапки.

До крајот на седмицаа цените на акциите на најголемата берза во светот продолжија да растат, главно благодарение на надежите на инвеститорите за ублажување на трговските тензии меѓу САД и Кина.

Секако, сè уште нема ништо конкретно по ова прашање, но инвеститорите веруваат дека порано или подоцна ќе се постигне некаков договор, со оглед на омекнувањето на реториката на Белата куќа по ова прашање.

Ваквите пораки најмногу го поттикнаа растот на цените на акциите во технолошкиот сектор.

„Олеснувањето на царинската реторика е една од причините зошто цените на акциите на производителите на чипови растат, бидејќи секторот е во центарот на трговскиот конфликт меѓу САД и Кина“, рече Пол Нолте, стратег во „Murphy&Sylvest“.

Затоа, вели тој, секое олеснување на царинската реторика меѓу двете земји го охрабрува целиот технолошки сектор.

„Но, на пазарот сè уште има многу прашања за царините на кои немаме одговори. Многумина од нас всушност само фрлаат стрели во темнина“, вели Нолте.

Кварталните деловни резултати на компаниите се, исто така, во фокусот на инвеститорите. Досега, 179 компании од индексот S&P 500 објавија извештај, при што 73 проценти ги надминаа очекувањата во однос на заработката. Аналитичарите сега проценуваат дека заработката на компаниите во првиот квартал пораснала во просек за 9,7 проценти, додека на почетокот на април очекувале раст од околу 8 проценти.

Цените на акциите на европските берзи, исто така, силно пораснаа минатата седмица, благодарение на добрите квартални деловни резултати од европските компании и ублажувањето на трговските тензии.

Лондонскиот индекс FTSE зајакна за 1,7 проценти, на 8.415 поени, додека франкфуртскиот DAX скокна за 4,9 проценти, на 22.242 поени, а парискиот CAC порасна за 3,4 проценти, на 7.536 поени.