Бараме правда, бараме одговорност од институциите за нашите деца кои загинаа во дискотеката „Пулс“ во Кочани. Ова е само почеток на нашата борба, ќе се гледаме и на други места, порачаа семејствата на 62-та загинати млади луѓе на 16 март, од паркот на револуцијата во Кочани, каде што денеска го имаа четвртиот протестен марш „Задоцнета реакција“. Во тишина маршираа до општинската зграда, а таму на инспекторите им порачаа да излезат на терен и ги прашаа дали животите на нивните деца вредат повеќе од она што им е дадено.
Со сликите на своите деца кренати кон полициската станица во Кочани прашаа ако тие не се надлежни за безбедноста, тогаш кој е? – Но, и како што рекоа, дали имаат доблест да си ја признаат својата вина. Посочија дека секоја недела нивниот марш е уредно пријавен во МВР, во болница и во Пожарна и прашаа дали сопственикот на дискотеката „Пулс“ пријавил дека има концерт на групата ДНК таа ноќ.
Пред обвинителството, семејствата на загинатите млади луѓе од Кочани, од Штип, од Чешиново-Облешево, од Македонска Каменица, од Скопје и од Пробиштип, побараа барем некој од одговорните од МВР и обвинителството да излезат и да им кажат до каде е истрагата. Порачаа дека не се плашат, иако веќе имаат закани за она што го говорат на протестите.
На денешниот четврти протест главната порака на транспарентот беше „Дали требаше да ги убиете нашите деца, за да увидиме во каква корумпирана држава живееме“.
Слични новости
Таравари ги посети пациентите од трагедијата во Кочани кои се лекуваат во Истанбул
Министерот за здравство Арбен Таравари денеска ја посетил болницата „Чам ве Сакура“ во Истанбул, каде што се лекуваат двајца од младите повредени во пожарот во Кочани.
Владата е стабилна и силна и покрај бројните предизвици и наследената економска катастрофа, заклучок од седницата на ЦК на ВМРО-ДПМНЕ
Владата е стабилна и силна, и ги исполнува очекувањата на граѓаните, и покрај бројните предизвици и општата економска катастрофа која беше наследена. Општ став е дека се вложуваат сите сили Македонија да се стави на брза трка за економски раст и развој – соопшти денеска владејачката ВМРО-ДПМНЕ по седницата на Централниот комитет на партијата
Села: Нема ништо лошо во средбите на Ахмети со Таравари, целиот албански политички фактор треба да се обедини
Јас сум информиран дека имало најмалку две или три средби на кои директно се сретнале Арбен Таравари и Али Ахмети, но нема ништо лошо во тоа, оцени денеска претседателот на Алијанса за Албанците, Зијадин Села