Цената на златото, кое се смета за побезбедно засолниште за капиталот во неизвесни времиња, претпладнево достигна ново рекордно ниво – 3.111 долари за унца.
Поради неизвесноста на финансиските пазари, цената на златото порасна за повеќе од 18 отсто од почетокот на годината и е на пат за најголемиот квартален скок од 1986 година.
На девизните пазари, пак, благо падна вредноста на доларот во однос на кошничката валути. Индексот на доларот, кој ја покажува вредноста на американската во однос на другите шест главни светски валути, претпладнево се движи околу 103,88 поени, додека во петокот на затворањето на тргувањето беше 104,01 поен.
Курсот на доларот во однос на јапонската валута се лизна од 149,90 на 149,10 јени. Американската валута ослабе и во однос на европската, па цената на еврото достигна 1,0835 долари, додека во петокот вечерта беше 1,0827 долари.
Цените на нафтата, пак, изгубија дел од минатонеделните добивки. Цената на барелот на лондонскиот пазар претпладнево падна за 0,31 отсто, на 73,40 долари, додека на американскиот пазар барелот поевтини за 0,49 отсто, на 69,05 долари.
Слични новости
Германските гиганти со значително зголемена продажбата на автомобили во САД во првиот квартал
САД беа главниот извозен пазар за автомобили од ЕУ минатата година, со испораки во вредност од 38,9 милијарди евра, објави во вторникот европската канцеларија за статистика
Цените на нафтата над 74 долари
Цените на нафтата се стабилизираа над нивото од 74 долари за барел на меѓународните пазари во средата додека трговците го чекаа објавувањето на новите царини во САД, за кои стравуваат дека може да предизвика ескалација на трговската војна и да ја намалат глобалната економија и побарувачката на енергенси
Новиот погон го катапултираше американскиот извоз на течен гас
Извозот на течен природен гас (LNG) од САД нагло се зголеми во март благодарение на новата фабрика на „Venture Global“, покажаа прелиминарните податоци на LSEG, при што повеќето пратки повторно се испорачуваат во Европа