Германските потрошувачи сигнализираат претпазливост во очекување на новата влада и планираат повторно повеќе да штедат во април, покажа во петокот објавениот извештај на институтите GfK и NIM.
Индексот на очекувањата на потрошувачите за април бил речиси ист како и во март и изнесувал минус 24,5 бодови, пресметале во GfK институтот и Нирнбершкиот институт за пазарни одлуки (NIM)
Во март индексот падна за 2,1 бод, на минус 24,6 бодови, најниското ниво за малку повеќе од една година.
Истражувањето покажало дека граѓаните повторно покажуваат засилена наклонетост кон штедењето, и покрај подобрените очекувања за примањата и поизразената подготвеност за купувања. Индексот кој ја мери нивната подготвеност на штедење пораснал во март за 4,4 бодови, на 13,8 бодови, што е највисоко ниво наназад една година.
„Изборите и исчекувањето на новата влада го задушија песимизмот на одреден број потрошувачи, но комплетната слика ја одредува повторената засилена наклонетост на штедењето“, изјави Ролф Буеркл од NIМ.
Односот на потрошувачите кон штедењето ја одразува нивната несигурност, додава Буеркл, истакнувајќи дека промена може да донесе токму новата влада.
„Брзото составување на владата и усвојување на годинешниот буџет и овозможиле поголема сигурност при планирањето, не само за компаниите, туку и за домаќинствата“, истакна експертот на NIM
Конзервативците од Унијата CDU/CSU предводени од Фририх Мерц освоија најмногу пратенички мандати на предвремените парламентарни избори на крајот од февруари, и сега преговараат со социјалдемократите од SPD, посакувајќи да ја формираат владејачката коалиција до крајот на април.
Очекувањата на населението за примањата се подобрени во однос на февруари, по влошувањата во првите да месеца од годинава, но Буеркл предупредува дека моментално не е јасно дали тоа означува подобар резултат и завршување на надолниот тренд.
Граѓаните покажале засилена подготвеност на потрошувачка, но сѐ уште е повоздржани отколку во текот на пандемиските „заклучувања“, покажува извештајот. Состојбата во економијата според нивната процена би требало чувствително да се подобри во текот на следните 12 месеци., кон раст на индексот за 5,7 бодови, утврдиле NIM и GfK.
Слични новости
Германските гиганти со значително зголемена продажбата на автомобили во САД во првиот квартал
САД беа главниот извозен пазар за автомобили од ЕУ минатата година, со испораки во вредност од 38,9 милијарди евра, објави во вторникот европската канцеларија за статистика
Цените на нафтата над 74 долари
Цените на нафтата се стабилизираа над нивото од 74 долари за барел на меѓународните пазари во средата додека трговците го чекаа објавувањето на новите царини во САД, за кои стравуваат дека може да предизвика ескалација на трговската војна и да ја намалат глобалната економија и побарувачката на енергенси
Новиот погон го катапултираше американскиот извоз на течен гас
Извозот на течен природен гас (LNG) од САД нагло се зголеми во март благодарение на новата фабрика на „Venture Global“, покажаа прелиминарните податоци на LSEG, при што повеќето пратки повторно се испорачуваат во Европа