Силен земјотрес ја погоди во петокот југоисточна Азија, урнувајќи облакодер во изградба во тајландската престолнина Бангкок и згради во вториот по големина град во соседниот Мјанмар.
Најмалку три лица загинаа, а десетици работници се спасени од под урнатините на облакодер, соопшти тајландскиот Институт за итна медицина. Агенциите објавија дека биле затрупани околу 40 работници.
Сведоците во Бангкок рекоа дека луѓето во паника трчале на улиците, многумина од нив гости на хотелот во бањарки и костими за капење, додека водата се излевала од монтажниот базен на врвот на луксузниот хотел.
Геолошкиот институт на САД (USGS) објави дека земјотресот, кој се случил за време на ручек на длабочина од 10 километри, бил со јачина од 7,7 степени според Рихтеровата скала. Имало и силни последователни потреси, Епицентарот бил на околу 17,2 километри од градот Мандалај во Мјанмар, каде живеат околу 1,5 милиони луѓе.
Властите на Мјанмар не објавија веднаш информации за штетите.
Претставник на противпожарната служба во Мјанмар изјави за Reuters: „Почнавме потрага и се движиме низ Јангон за да провериме дали има жртви и штети. Сè уште немаме информации“.
Објавите на социјалните мрежи од Мандалеј, древниот кралски главен град на Мјанмар, покажуваат урнати згради и остатоци на улиците на градот.
„Сите истрчавме од куќата кога сè почна да се тресе. Видов зграда на пет ката како се урива пред моите очи. Сите во мојот град се на пат и никој не се осмелува да се врати во зградите“, вели за Reuters eден очевидец од градот. .
Друг сведок од градот Хтет Наинг О, изјавил за агенцијата дека се урнала чајџилница, заробувајќи неколку луѓе внатре. „Не можевме да влеземе. Ситуацијата е многу лоша“, додал.
Трет очевидец изјавил дека џамијата во градот е сериозно оштетена.
Очевидци контактирани во Јангон изјавија дека многу луѓе истрчале од зградите во најголемиот град во Мјанмар.
Кинеската новинска агенција Xinhua јави дека силни потреси се почувствувани во југозападната кинеска провинција Јунан, која граничи со Мјанмар, но дека нема жртви.
Облакодер во центарот на Бангкок се нишал најмалку две минути, а вратите и прозорците силно крцкале, велат очевидци. Стотици вработени побегнале преку пожарните скали, додека некои се стаписале во паника. Се слушале силни вресоци додека зградата продолжила да се ниша. Стотици луѓе се собраа надвор, а вработените најдоа столчиња за постарите и граѓаните во шок.
Слични новости
Висок руски функционер ќе го посети Вашингтон, според CNN
Се очекува висок руски функционер оваа седмица да го посети Вашингтон, поради разговори со претставници на администрацијата на американскиот претседател Доналд Трамп, извести CNN
Американски сенатори за санкции против Русија доколку ги блокира мировните преговори со Украина
Половина од американскиот Сенат, 25 републиканци и 25 демократи, во вторникот ги здружија силите за да предложат санкции кои ќе ѝ бидат наметнати на Русија доколку таа одбие да се вклучи во добра волја во мировни преговори со Украина
Францускиот апелационен суд ќе донесе одлука за случајот Национален собир во летото 2026 година
Судот во Париз објави во вторникот дека досега се поднесени три жалби во случајот против крајно десната партија Национален собир (RN) поради кој на поранешната челничка Марин Ле Пен и е забрането политичко дејствување на пет годинилничка Марин Ле Пен и е забрането политичко дејствување на пет годи