Јутјуб најгледан кај дистрибутерите на телевизиски контент во САД

Гледачите во Америка во февруари најмногу гледале телевизија на Јутјуб каналот, покажа истражувањето на Нилсен. Јутјуб гледале на нивниот телевизиски приемник 11,6 насто од Американците со што е на врвот од сите контент платформи и телевизии.

Интересен е фактот што Јутјуб го зазеде првото место поради изненадувачкиот пораст на популација над 50 години која гледа Јутјуб, која ги надмина по гледаност луѓето на возраст меѓу 18 и 34 години. Истражувањето се однесува само на гледаност на телевизори, а не и на компјутери, таблети и  мобилни телефони.

На второ место според гледаност е Дизни со 10 проценти. На третото место е Фокс со 8,3, бројка која е бустирана со директниот пренос на финалето на американскиот Супербоул. На третото и четвртото место Нетфликс и Парамаунт имаат идентична гледаност од 8,2 проценти.