Кинескиот премиер Ли Кианг потпиша декрет за спроведување нови прописи кои ќе го зајакнат одговорот на Кина на санкциите, соопшти владата во понеделникот.
Во 2021 година Кина усвои закон кој овозможува странците и странските субјекти вклучени во донесувањето или спроведувањето дискриминаторски мерки против кинеските граѓани и субјекти да бидат вклучени во списокот на можни протимерки, како што се забрани за влез и протерување. Нивниот имот во Кина може да биде запленет или замрзнат, а исто така може да им биде забрането да работат со кинески граѓани и компании.
Новите регулативи ги детализираат секторите во кои може да им се забрани влез на странски поединци и организации, а вклучуваат образование, наука и технологија, правни услуги, заштита на животната средина, економија и трговија, култура, туризам, здравство и спорт.
Регулативите, исто така, прецизираат какви чекори може да преземе кинеската влада како дел од противмерките, како што се забрана или ограничување на увозот и извозот на стоки и технологија.
САД и Европската унија воведоа серија ограничувања на трговијата со Кина последниве години, а исто така се обидуваат да ги ограничат кинеските инвестиции. Така, ЕУ воведе дополнителни царини за увоз на електрични автомобили произведени во Кина и отвори серија истраги за понудите на кинеските компании во постапките за јавни набавки.
Кинескиот технолошки гигант „Huawei“ е исклучен од секакво купување опрема за мобилни мрежи, а Германија ги заостри регулативите за кинеските компании кои влегуваат во сопственичката структура на компании, како што се производители на роботи и пристанишни терминали. Од друга страна, САД неодамна воведоа дополнителни царини од 20 отсто за увоз на кинески стоки.
Кина, пак, одговори со контрацарини и го ограничи извозот на минерали како галиум и германиум. Сега, новите прописи треба да му овозможат на Пекинг да одговори на кршењето на правото на Кина на развој, нагласуваат кинеските власти.
Слични новости
Бројот на загинати во зејотресот во Мјанмар порасна на над 1.000
Бројот на загинати во зејотресот со сила од 7,7 степени според Рихтеровата скала што го погоди Мјанмар се искачи на 1,002, додека над 2.300 луѓе се повредени, соопшти војската на оваа земја. Уште 30 лица се водат како исчезнати, а спасувачките акции се во тек, пренесе агенцијата Синхуа.
Зеленски: Украина нема да ја признае американската помош како заем што треба да се врати
Украинскиот претседател Володимир Зеленски денеска изјави дека Украина нема да ја признае претходно одобрената американска воена помош како заеми што треба да се вратат
Трамп повтори дека го сака Гренланд, Венс ја повика Данска дa не инвестира во безбедноста на островот
Претседателот Доналд Трамп во петокот повтори дека сака да го присоедини Гренланд кон САД, тврдејќи дека тоа е многу важно за меѓународната безбедност, додека неговиот потпретседател ЏејДи Венс ја повика Данска да не инвестира во безбедноста на островот тврдејќи дека би му било подобо под „безбедносниот чадор“ на САД