Уставниот суд на Јужна Кореја во понеделникот го отфрли отповикувањето на актуелниот премиер Хан Дoк-су, со што му ги врати овластувањата на претседателот што ги презеде откако поранешниот претседател прогласи вонредна состојба.
Хан ја презеде функцијата од претседателот Јун Сук Јеол, кој беше отповикан поради накратко прогласи вонредна состојба во декември. Хан веднаш се врати на својата позиција по пресудата.
„Благодарен сум за мудрата одлука на уставниот суд“, рече Хан по одлуката на судот и им се заблагодари на членовите на владата за нивната напорна работа за време на неговата суспензија.
Прогласувањето на вонредна состојба од страна на Јун во декември доведе до најголемата политичка криза во Јужна Кореја во последните децении и создаде лидерски вакуум во четвртата по големина економија во Азија.
Хан првично беше издржа две седмици на позицијата шеф на државата. Тој беше отповикан и суспендиран на 27 декември по судирот со парламентот во кој доминира опозицијата поради неговото одбивање да назначи уште тројца судии во уставниот суд.
Во понеделникот седум судии од тоа тело одлучија да го поништат отповикувањето, додека еден се спротивстави, пренесува Reuters.
Хан е 75-годишен политичар кој заземаше водечки политички позиции повеќе од три децении, под пет претседатели, и конзервативни и либерални.
Во политички високополаризираната земја, Хан се сметаше за редок пример на функционер чија кариера ги надмина партиските поделби. Сепак, парламентот го обвини дека не направил доволно за да ја спречи одлуката на Јун да прогласи вонредна состојба, која тој ја отфрла.
За време на суспензијата на Хан, претседателската функција ја презеде министерот за финансии Чои Санг-мок. Конечната одлука на Уставниот суд за Јун се очекува за неколку дена, а доколку биде потврден неговиот импичмент, во рок од 60 дена ќе се одржат претседателски избори.
Слични новости
Зеленски: Украина нема да ја признае американската помош како заем што треба да се врати
Украинскиот претседател Володимир Зеленски денеска изјави дека Украина нема да ја признае претходно одобрената американска воена помош како заеми што треба да се вратат
Трамп повтори дека го сака Гренланд, Венс ја повика Данска дa не инвестира во безбедноста на островот
Претседателот Доналд Трамп во петокот повтори дека сака да го присоедини Гренланд кон САД, тврдејќи дека тоа е многу важно за меѓународната безбедност, додека неговиот потпретседател ЏејДи Венс ја повика Данска да не инвестира во безбедноста на островот тврдејќи дека би му било подобо под „безбедносниот чадор“ на САД
Гутереш го отфрли предлогот на Путин ОН да управуваат со Украина
Генералниот секретар на Обединетите нации, Антонио Гутереш не гледа потреба од нови избори во Украина под надзор на Обединетите нации, отфрлајќи го предлогот на рускиот претседател Владимир Путин