Додека европските челници на самитот во Брисел повикаа на враќање на примирјето и враќање на заложниците, израелската војска доцна во четвртокот објави дека започнала копнена операција во кампот Шабура во градот Рафах, во јужниот дел од палестинската енклава Појасот Газа.
Армијата додаде дека ги проширила своите операции во јужниот дел на Газа и ја продолжила својата активност во северниот и централниот дел на крајбрежната енклава.
Европските лидери издадоа заедничка декларација на самитот во Брисел во која повикаа на „итно“ продолжување на прекинот на огнот во Газа и враќање на сите заложници кои ги држат милитантите. Повикаа и на „непречен пристап и непречена дистрибуција на хуманитарна помош“ низ Газа.
„Овој пристап и дистрибуција, како и снабдувањето со електрична енергија во Газа, вклучително и за постројките за бигор вода, мора веднаш да продолжат“, истакнаа тие во соопштението.
Најмалку 91 Палестинец се убиени а десетици други се ранети во воздушните напади низ Газа во четвртокот, откако Израел ги продолжи бомбардирањата и копнените операции, соопшти Министерството за здравство на енклавата, со што заврши двомесечниот прекин на огнот. Од почетокот на израелските бомбардирања од воздух и море покрај копнените операции во енклавата пред два дена убиени се речиси 600 Палестинци
По два месеца релативен мир, жителите на Газа повторно бегаат да си ги спасат животите откако Израел започна нова сеопфатна воздушна и копнена кампања против палестинската милитантна група Хамас во Газа.
Израелските авиони фрлаа летоци врз станбените области, наредувајќи им на луѓето да ги напуштат градовите Беит Лахија и Беит Ханун на север, областа Шејаја во градот Газа и градовите во источната периферија на Кан Јунис на југ.
Тековната офанзива има за цел да го зголеми притисокот врз Хамас и да обезбеди ослободување на преостанатите заложници земени од Хамас и другите палестински милитанти за време на нападот врз Израел на 7 октомври 2023 година. Израелскиот министер за одбрана Израел Кац одобри натамошни воени операции во Газа.
„Веќе гледаме дека воениот притисок влијае на позицијата на Хамас. Нема да застанеме додека не се ослободат заложниците“, рече Кац.
Слични новости
Маск најави завршување на планираните кратења на федералните трошоци за неколку седмици
Технолошкиот милијардер Илон Маск, кој беше ангажиран од американскиот претседател Доналд Трамп за да ја намали државната администрација, изјави во четвртокот дека најголемиот дел од работата за намалување на сојузната потрошувачка за трилион долари ќе биде завршена до крајот на неговиот мандат, односно за 64 дена
Путин сугерира можност за ставање на Украина под привремена управа
Рускиот претседател Владимир Путин сугерираше дека Украина може да биде ставена под некоја форма на привремена администрација за да се овозможи одржување на нови избори во земјата и потпишување на клучни договори со цел да се постигне решение
Крајно десните европски политичари на конференција за антисемитизмот во Ерусалим
Израелскиот премиер Бенјамин Нетанјаху предупреди во четвртокот на „пожари на антисемитизмот“ во Западна Европа на конференцијата која беше засенета од бојкотот на неколку еврејски говорници поради присуството на десничарски и крајно десничарски европски политичари