Кејт Балншет смета дека ноќта на оскарите и другите награди кои ги доделува филмската индустрија треба да бидат приватни и да не се емитуваат на телевизија. Двојната добитничка на Оскар Бланшет вели дека во денешно време има се помалку места каде што може да имате приватност, без телефони и без ризикот дека некој ве снима.
„Затоа ги сакав 80-тите кога излегувавме на забави. Луѓето се забауваа колективно. Беа присутни и си поминуваа одлично. Немаше агресивност. Никој не беше сниман. Никој не се грижеше што ќе направи“, вели Кејт Бланшет.
Бланшет вели дека знае оти ќе биде осудена за идејата Оскарите да се вратат во времето кога не беа директно пренесувани на телевизија.
„Црвениот килим, модата, се е тоа одлично. Но, ние треба да го прославуваме она што го работиме, без да мислиме на тоа како не перцепира публиката.“
Кејт Бланшет го освои првиот Оскар во 2005 за „Авиатор “, а вториот во 2014 за „Тажниот Јасмин“, а досега имаше и шест други номинации за Оскар.
Церемонијата на доделувањето на оскарите директно се пренесува на телевизија од 1953.
Слични новости
Универзал снима четврто продолжение на „запознај ги родителите“
Студиото Универзал е во фаза на продукција на четврто продолжение на успешната франшиза „Запознај ги родителите“. Првиот филм „Запознај ги родителите“ од 2000-та година е фокусиран на Бен Стилер кој има проблеми да ја стекне довербата на таткото на неговата девојка кого го игра Роберт Де Ниро, а кој е пензиониран шпион на ЦИА.
U2 ќе станат почесни членови на Британската академија на текстописци
Ирскиот рок бенд U2 ќе ја добие највисоката чест на Академијата Ајворс – почесното членство – на овогодинешната церемонија на доделување награди за филмски композитори и текстописци, објавија организаторите
Почина актерот Вингс Хаузер
Холивудскиот актер Вингс Хаузер познат по улогите во „Џо Џо танчер“, „Животот те повикува“, „Одред против пороци“ и „Цврстите момчиња не танцуваат“, почина на 77 годишна возраст.