Израелскиот премиер Бенјамин Нетанјаху во вторникот изјави дека израелската војска постепено ги интензивира нападите врз цели на палестинското милитантно движење Хамас во Појасот Газа.
Во нападите кои почнаа рано утрото загинаа стотици луѓе. „Ја продолживме борбата со полна сила“, рече Нетанјаху во видео пораката на хебрејски. „Отсега па натаму преговорите ќе се водат само под оган“.
Министерството за здравство во Појасот Газа, енклава која е управувана од Хамас, објави дека биле убиени најмалку 404 Палестини, од кои најмногу се деца и жени, а 560 се ранети.
Израелската војска подоцна им нареди на цивилите да напуштат некои области од градовите Кан Јунис и Беит Ханун, предупредувајќи во пораки на арапски дека областите станале „опасни борбени зони“. На жителите им беше кажано да заминат позападно кон градот Газа или кон западниот Кан Јунис. Двата града беа цел на израелски бомбардирања во вторникот.
Израелските медиуми шпекулираат дека тоа би можело да значи дека се подготвуваат нови копнени операции.
Говорејќи на англиски, Нетанјаху подоцна рече: „Израел не напаѓа палестински цивили. Ние ги напаѓаме терористите на Хамас. И кога овие терористи копаат во цивилни области, кога користат цивили како жив штит, тие се одговорни за сите ненамерни жртви“.
Цел на нападите, според премиерот и војската, биле лидерите и инфраструктурата на Хамас.
Хамас потврди дека се убиени петмина негови високи функционери, меѓу кои и министерот за внатрешни работи Махмуд Абу Ватфа и клучните личности одговорни за внатрешната безбедност и управувањето. Израел, наводно, убил и високи команданти на Исламски џихад, радикална исламистича групација во Хамас.
Кабинетот на премиерот Нетанјаху претходно објави дека операцијата е одговор на „упорното отфрлање“ на предлозите за прекин на огнот од страна на Хамас, изнесени од САД, Египет и Катар, како и на неговата „неподготвеност“ да ги ослободи израелските заложници.
Слични новости
Земјотрес со сила од 5,8 степени според Рихтер ја погоди Турција
Земјотрес со силина од 5,8 степени според Рихтеровата скала го погоди ноќеска медитеранскиот брег на Турција, особено градот Мармарис, соопшти турската агенција за управување со катастрофи и вонредни ситуации.
Масакр во колона за хуманитарна помош во Газа
Најмалку 20 Палестинци се убиени, а на десетици се ранети додека врз нив е пукано додека чекале ред за хуманитарна помош во новоотворениот дистрибутивен центар во рафа на југот од Појасот Газа, јави Ројтерс.
По победата на Навроцки Туск најави прелог за гласање доверба на неговата влада
Полскиот премиер Доналд Туск најави дека ќе поднесе предлог за гласање на доверба на владата, откако независниот кандидат поддржан од десничарската опозициска партија Право и правда Карол Навроцки победи на претседателските избори во Полска.